اقتباسات كيرلس بهجت

فالهدف مش التقليل من قوة أو أهمية الإيمان، إنما الإعلاء من فكرة التفكير والمعرفة. فلو كنت متخيل إن الإيمان بالله هو المحطة الأخيرة فجرب معرفة الله فهي دي الرحلة نفسها.

‫ مشكلة الـ Victim Identity إنه سلوك ممكن الإنسان يدمنه ويبقى بيشتكي لا إرادي، لدرجة إنه ممكن يكون سامع خبر مفرح وبيشتكي، خارج من فرح لواحد صاحبه وحاسس إنه متضايق، ويتحول لكتلة باردة من الكآبة والحزن، يعيش وهم الضحية على الفاضي والمليان.

‫ والوهم دا هيخسره ذاته قبل ما يخسره اللي حواليه، فهو مش هيقدر يستمتع بأي حاجة في حياته، واللي حواليه مش هيقدروا يستحملوا شكوته المستمرة وحالته البائسة اللي هو مصمم يخلقها لنفسه.

‫ علم النفس بيقول لك: طبيعتنا مش هنقدر نغيرها وهيفضل الـ separation anxiety جزء أساسي في سيكولوجيتنا وسلوكنا، بس المطلوب منك، إنك قبل أي قرار تاخده وسط مجموعة أو أي فعل تقوم به عشان ترضي اللي حواليك، هو إنك تسأل نفسك: هو أنا فعلًا عاوز أعمل كدا؟ هو أنا فعلًا عاوز آكل شاورما؟

‫ هو أنا فعلًا عاوز أروح Abilene؟

‫ هو دا فعلًا قراري الشخصي ولا عشان مجرد ما أزعلش حد؟!

المشكلة إن البحث عن الفرصة المثالية بيخلينا نضحي بفرص يمكن كانت هي وقتها المثالية،

في كل لحظة بنختار حاجة ونسيب التانية؛ هي صراع، بنفاضل بين نتيجة ونتيجة؛ هي صراع، بنمشي طرق كتيرة ونسيب طرق أكتر؛ هي قمة الصراع.

‫ وهو دا اللي بيعمل شخصيتنا، سلوكنا، تكوينا، بيعملنا إحنا، اللي في الحقيقة هي نتاج صراعات طويلة أوي إحنا خُضناها واحنا مش مركزين، ولسا هنخوضها برضو وإحنا مش مركزين، وما هي الحياة إلا مجرد صراع.

‫ الخرافات عشان تتنشر لازم بيئة متعطشة للخرافات دي، الخرافات ساعتها بتكون زي القشاية اللي بتكون سبب النجاة للإنسان اللي حاسس إنه هيغرق من غيرها.

فحقيقي الجملة اللي بتقول:

‫ «العالم يعاني كثيرًا، ليس بسبب ظلم الأشرار، لكن بسبب صمت الأخيار».

فالشوفيني ببساطة ما بيقدرش يقف مع نفسه ولو للحظات عشان يشك في اللي بيعمله أو حتى يراجع اللي هو مؤمن به، مشكلته إنه مش شايف غير اللي عاوز يشوفه أو سامع غير اللي عاوز يسمعه، مشكلته إنه شخص أعمى مصدق، إن بصرَ مرض!

«إن أتعس الناس يحاولون بأقصى ما عندهم لجعل الآخرين يفرحون لأنهم يشعرون بصدق كيف أن تكون تعيسًا وبلا قيمة، فذلك الشعور المؤلم لا يريدون أن يجربه أحد»

من غير كدب على ذاتنا، هنقف قدام نفسنا بصورتنا الحقيقية، هنشوف فشلنا وعجزنا، هنشوف كل ما هو سيئ فينا، وكل دا ليه لما ممكن نكدب ونخلص. أصل ما فيش أسهل من إن الإنسان يكدب على نفسه عشان يعرف يعيش.

علماء النفس مش بينصحوا الناس تبقى قليلة الأدب أو تخرج عن شعورها، إنما على أقل تقدير ما تعديش التقليل أو المضايقة أو تستجيب لأي إهانة أو تجاوز، إنما لازم ترفض وتعترض على أي حاجة تجرحها أو تأذيها!

الانجذاب العاطفي مبني على الشكل، على الهيئة، على صفات جسدية أو خارجية مدفوعة بغرائز في اللاوعي، عكس الحب، الحب ما ينفعش يكون مبني غير على وعي، على مشاركة، على مواقف كتير وكلام أكتر، على فكر وتصرفات، مبني على رؤية منطقية واضحة قادرة تمد الحب دا بمصداقية ونضج!

في الاعتذار، إنت كل هدفك تبين إنك متضايق وندمان على اللي عملته، مش جاي تناقش مبرراتك أو قصة حياتك في الاعتذار

الاعتذار في حد ذاته مش عملية سهلة، فمش من المقبول على الأنا الإنساني إنه يعترف إنه غلط ويقر بالموضوع دا قدام الآخر. ففكرة إن أي حد يعتذر دي بتتطلب شجاعة وثقة في النفس ممكن تكون مش متوافرة في كتير مننا، كتير بيكونوا عارفين من جواهم إنهم غلطوا وأذوا اللي حواليهم، بس الـEGO بتاعهم بيمنعهم إنهم يقولوا «آسف»

فالحقيقة إننا بنسعى بكل الطرق عشان نوهم نفسنا إن الحياة اللي إحنا فيها قايمة على العدل، بنوهم نفسنا إن الصح هو اللي بيحصل والغلط ما لوش مكان، بنوهم نفسنا إننا في أمان في نظام ما فيهوش تحيز أو تمييز لدرجة إننا ساعات بنيجي على المظلوم عشان ما نشوهش الصورة العادلة اللي إحنا راسمينها لنفسنا عن الحياة، بس للأسف الحياة فعلًا ليست عادلة.

‫ الـ false-consensus effect هو ببساطة لما نتخيل إن اللي حوالينا بيفكروا ويدركوا الأمور زي ما إحنا بنفكر وندرك

فالنقص الحقيقي هو إننا ما يكونش عندنا الشجاعة عشان نبقى نفسنا. النقص الحقيقي هو إننا نبقى مسجونين في تعليقات الناس وآرائهم. النقص الحقيقي هو إننا نقلل ونحقر من نظرتنا لنفسنا ونعلّي ونفخم من نظرة الناس لينا.

فالنقص دافع أساسي وراء السلوك البشري، سواء بطريقة مباشرة أو غير مباشرة، فنسبة كبيرة من أفعالنا ما هي إلا رد فعل لسد هذا النقص

لما بتحصل أي مشكلة والإنسان يحس إن هو طرف فيها، بيبتدي يستخدم نظرية (إن أحسن وسيلة للدفاع هي الهجوم)، فمثلًا في مثل: «حرق الأكل» بتاع الأم والابن، الأم حسّت إنها في وضعية المخطئ واللي مطلوب منه الدفاع عن نفسه، فليه يدافع بس لما ممكن يهاجم ويرمي الغلط دا على حد تاني، أو بمعنى أصح شماعة تاني؟!

«من نحن إذا لم نترك أثرًا في الآخرين؟ إنه صُلب وجودنا، فنحن لسنا الكلام الذي نقوله عن أنفسنا، ولا الذي نريد أن نكونه في المستقبل، بل نحن مجموع الأثر الذي نتركه في نفوس الآخرين، والتغيير الذي نصنعه في حياتهم وحياتنا».

‫ المفكر العلمي نيل تايسون