عن العشق و السفر
حائط الذكريات
الكتاب الرابع
سلسلة عن العشق والسفر مبقتش مجرد كتاب بقراه قد ما بقت بالنسبة لي رحلة اتعودت أستمتع بيها كل سنة وأستنى ميعادها كأني مسافرة فعلًا.
خلصت عن العشق والسفر وحقيقي حاسة إني سافرت اليابان فعلًا مش قريت عنها بس
نهي عودة بتاخدك معاها خطوة خطوة بعينيها وإحساسها كأننا معاها بالظبط
أكتر حاجة بحبها في الكتاب ده نظرتها المعمارية في الوصف مش بتشوف المكان كصورة حلوة وخلاص لا بتشوف روحه وتاريخه وتفاصيله
انبسطت كمان جدًا بكم المعلومات اللي عرفتها عن اليابان وعن العادات والتقاليد بلد كنت دايمًا نفسي أتعرف عليها كوكب اليابان الشقيق فعلًا.
ولمستها المضحكة في الحكي بتفرق جدًا خفة دم بسيطة وطبيعية تضحكك وتقرّبك منها أكتر كأنها صاحبتك بتحكيلك مش بتكتبلك
الكتاب دافي إنساني ومليان حب للسفر وللأماكن وللأسرة وحابة أقول لنهى إني بتمنالك من قلبي تحقيق أمنيتك الجميلة مع أسرتك دايمًا مع بعض وفي سفر وضحك وذكريات حلوةو تفضلوا تفسحونا معاكم كده
احلي حاجه اني اول مره أعرف إن كابتن ماجد ياباني وإن ده أصلًا مش اسمه الحقيقي 😄
كتاب يتقري بحب ❤️
في انتظار الجزء الخامس ان شاءالله يا حبيبتي 🥰