أولا حابة أشكر مدينة الأدباء وأبجد عشان لولا تعاونهم مكنتش هقرأ الرواية دي أصلا ثانيا لي قرأ لرحمة نبيل في الالكتروني هو لي هيفهم لي بقوله أنا يعتبر قرأت أغلب روايات الكاتبة الالكترونية حقيقي هي صاحبة السعادة تحس كدا أنها ماشية بتوزع السعادة على القراء بحيث إنك لو قرأت سواء ورقي او الكتروني هتلاقي نفسك مش بس بتبتسم لا هتلاقي نفسك ضحكت بالصوت العالي لدرجة ان الكل بيفكرك مجنون ودي حاجة جميلة القليل أوي لي يقدر يعملها انا شخصيا لما أزعل او اكتئب بجي على طول لرحمة نبيل حتى مرة علقت في جروبها ان الدنيا بتزعلك ورحمة نبيل ترضيك كأنها بتطبطب على قلبك فريق العو المهمة الاولى دي كانت من أجمل التجارب لي عدت عليا رحمة تفوقت على نفسها فيها بجد اجواء الكوميديا و المرح بين الأبطال العلاقة الحلوة لي بينهم كمان وصف وسرد الأحداث بجد بجد تحفة والله ومش لاقية كلام أقوله حسيت اني جوه معاهم مشاعر الخوف الحزن الفرح كل حاجة وكأني موجودة جوه الرواية مش بقرأ في كتاب على الموبايل وختاما شابوه يا رحرح بجد ليك ومرة تانية حابة أشكر دار مدينة الأدباء وأبجد عشان التعاون القمر دا وأتمنى يستمروا فيه دايما