على جانبي الشارع دكاكين تملؤها الالوان المتنوعة من اقمشة وستائر ومفارش تجذب العين وتُفرح القلب

روائح وزيوت عطور

وتوابل من قرفة وقرنفل وحبهان ممزجة بروائح العود وبخور الجاوي القادم من بلاد آسيا البعيدة

خلطة زكمت انفه .. لكنها اشعرته بالسعادة

بسم الله نبدأ

الوصف في الرواية جميل جدًا خاصة في وصف القاهرة والاسكندرية والجملة الشهيرة اللى ريحتها حلوة وألوانها تجنن دى تحس نفسك ماشي هناك وقادر ترسم صورة لكل ركن الابطال عدوا عليه 😊

❤

قالت:

اريد ان اصاحبك للأبد

فقال لها:

من يضمن الليلة حتى يضمن الأبد 🤍

احساس الرجال هنا في الرواية بالذنب سواء ديفيد كل ما يعرف واحدة جديدة ولا عبد الحميد وهو بيفكر في نرجس بيضحكنى اوى 😂

طيب لما انت حبيبى حساس كده انت وهو يبقى ليه من الاول

🥱💀

ماذا يفعل رجل وحيد في بلد غريب حُرم حضن الانثي ولذة الاحتواء بعدما ذاقها؟

الغربة غربة الانسان وهو بيكتشف مكان جديد وبيهرب من ماضي مؤلم بس الغربة الاكبر بتكون في الحبايب اللى الواحد بيمشي وهو مضطر يسيبهم بس عبد الحميد مكنش مضطر وكمان ديفيد كان يقدر يبعت لساشا قبل ما يفوت الاوان 🥹

رغم كل ذلك الانس والالفة وحريته في الذهاب الى المعبد لممارسة شعائر دينه

ورغم ازدياد رزقه في الآونة الاخيرة

ظلت تؤرقه كلمات صاحبته

اجمع نقودًا لكى اغادر مصر ليس لى مكان هنا

!لم يفهم السبب

ديفيد كان ليه مكان كويس جدًا في مصر بصحبة عبد الحميد وشغله في بورصة القطن وسيرة ابوه ومعرفة الناس بيه ولقي نفسه هناك اكتر من بلده كمان هو هو اتأثر اكمنه حاسس بالذنب ناحية مراته وابنه وهو كل يوم مع واحدة جديدة 😎

يقول الفرنسيون

ان الحب هو الشيء الوحيد الذي تشتريه بمثله يعنى لن تحصد الحب ان لم تقدم الحب

شرد عبد الحميد مع قول الفرنسيين

فاطمة..

انها زوجته ولكن مسألة الحب تلك ايكون معنى ذلك انها هى الاخري لا تحبه؟

احس بالغضب يأكل قلبه

هنا تتجلى بجاحة عبد الحميد والله يعنى انت مش بتحب مراتك وقلبك بياكلك اوى ألا تكون مش بتحبك لأ وبجح بجااااحة 😂

احس بالقلق الدنيا تغيرت عن ايام زمان سرعة السائقين تخبره ان الناس لا يعبأون بالناس

فتجلت وحشة الغربة له قاسية وهو هنا كأنه وُلد حديثًا لا تاريخ له تحت هذه السماء فماذا تخبىء له الايام؟

تخبيء له نرجس وساشا متقلقش بقي ياراجل ياازهري تسيب الست فاطمة مراتك وانت عارف ان العمدة عينه منها وتهرب على مصر وتقولى الغربة قاسية اما امرك عجيب

حصل ايه مع سيد معرفتش ومين محسن اللى شرفنا آخر جزء مكان مجدى ده 🤦🏼‍♂

واخيرا حبيت حكاية ياسين ومريم وربنا يسعدهم في اللى جاى وطالما الواحد بيحب الحواديت هتفضل تغريه الحكايات ويعيش يسمع ويدور ويتوه وسط الابطال

ونعيش ونقرأ ونكتب ريفيوهات ويارب نداوم معاكم في الجروب القمر ده ❤❤

#أبجد

#الذين_عرفوا_أنهم_غرباء

#بهاء_عبد_المجيد

#اقتباسات_الذين_عرفوا_أنهم_غرباء