مقام سيدي القطقوطي

رواية إجتماعية فيها لمحة فانتازيا لذيذة شدتني من أول لحظة. كنت متشوقة أعرف حكاية عيلة القطقوطي ومن غير ما أحرق الأحداث الرواية عجبتني جدًا من بداية سرد شجرة العيلة لحد النهاية.

أكتر حاجة لفتت نظري هو تسليط الضوء على الخرافات وتصديق الناس الأعمى وعيشهم في وهم بيجروا وراه وبيتحكم في حياتهم.

في الأول اتلخبطت شوية في شجرة العيلة لكن لما كتبتها قدرت أجمعها وفعلاً هي عيلة غريبة جدًا😂

استمتعت بالأحداث والعِبرة في إن ازاي ممكن الوهم و الجهل و الخرافات يحول حياه الناس لجحيم

"فكره أن تكون عبقرياً أو عالماً أو حتي مثقفاً في وسط يملؤه الجهل و الخرافات يجعلك تبدو كورده في مستودع نفايات و إذا كان المحيطون بك لا يعدًون أنفسهم وروداً فأنت بلا شك ستصبح في نظرهم القمامه."