حلوة لكن كئيبة
مقدرش اقول ان الرواية فيها أي شئ "مش حلو". رسم الشخصيات جيد والخيال قوي بينقلني فعلاً للأماكن المذكورة في الرواية...لكن مشكلتها الكآبة. بطلة الشخصية بتعاني من مرض نفسي والرواية كلها من وجهة نظرها ومن داخل المرض النفسي
على الرغم من الصدمة الشديدة اللي حصلت لها في صغرها إلا إنها بعد كده قابلت شخصيات كتير حبوها من قلبهم وكان ممكن تختار تبقى قوية وتستقوى بيهم وتتغلب على ظروفها السيئة، لكن هي اختارت الضعف وانها تعيش في الأوهام.
رواية كئيبة وسوداوية جداً. وكنت اتمنى انها تكون في اتجاه مختلف...عن تعافي البطلة من كل ما تعرضت له ومن امراضها النفسية وانها تستمتع بعد كده بحياة طبيعية كأم وزوجة لرجل بيحبها وبيشعرها بالأمان والسكينة...
أحب أحذر أي حد هيقرا الرواية دي لو كنت في حالة نفسية سيئة بلاش منها بجد لان الكاتبة نجحت في سرد ورسم المرض النفسي وأعراضه ورحلته بمنتهى الشطارة..ودي حاجة حلوة ووحشة في نفس الوقت.