ذكر شرقي منقرض

لست من هواة هذا النوع من الكتب إلا أن العنوان أثار فضولي

ورغم إستمتاعي في بعض الفصول وبعض النظريات

إلا فكرة إلقاء اللوم علي المرأة في الكتاب ... تصرف ذكوري جدا

أثار غضبي.. نعم نحن الأم ونحن التربية ...ولكن هل عقولنا تكتفي بما تغذيه به الأمهات فقط ؟ هل نكتفي بعالم الأم فقط ؟

أري أن هذه الفكرة ذكورية في حد ذاتها ..أين القوامة هنا ؟

﴿إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ﴾

نعم إنه جرس إنذار للإناث لا تُوجدي فرعوناً وإتزني في مشاعرك وقلبك ولا تتنازلي عن كونك أنثي .

ولا تحاولي أن تتحرري بمفهومها الجديد فتتحولي لشيء غير مفهوم الملامح (استرونج اندبينتت وومان ) ،ظاهريا ينتج ويرتفع وباطنيا يستهلك الأنثي داخلك .

❞ رغم إنِ شخص لاتجذبه العناوين إلا أن كِتاب ( الذكر الشرقي المنقرض ) أثار فضولي، ولا أنكر ما شعرتُ بِه أثناء و بعد قراءة الكِتاب، مشاعر كثيرة مختلطه.. غيظ على غضب على استفزاز مع طبعاً الكثير من مشاعر الاستغراب و التعاطف و الشفقه! ، يذكر فيه د.محمد طه ٤ فصول بنظريات مختلفه و أعمق للذكر الشرقي و الرجل الشرقي و الفرق هُنا شاسع ! ، و أد ايه نورث أفكار و معتقدات من أهلنا من غير حتى ما نحس.. لتبقى بالعقل الباطن "الاواعي" ، ليظهر بالمجتمع ذكر شرقي ، و اد ايه احنا محتاجين نعمل إعادة ضبط لعقليتنا المجتمعية والثقافية إلى فطرتها الحقيقية غير المُشوّهة.. ، كِتاب نفسي و فلسفي نوعاً ما، سلسل و منصف للمرأه و الرجل من حقوق و واجبات.. ❝

كالمعتاد دكتور محمد طه ياخدك في رحلة طويلة دخل النفق المظلم اللي جواك وطول ما انت مشي تحس انك مشي على سلك رفيع اوي لو بصيت شمال أو يمين حاتقع تنكسر رقبتك ومع نهاية كل فصل تسمعه بيقولك تعال هنا انت رايح فين مش حاسيبك اللي ما نخرج سوا من النفق الضلمه الي النور سوا

وانت بتقرا الكتاب حاتكتشف إنك أنوثة ورجولة مزيفة وفي نهاية الكتاب فعلا حاتاخد القرار انك تقبل نفسك وتحبها وتشوفها على فطرة ربنا الحقيقية

ممتنة دكتور محمد طه لوجودك في حياتنا

ممتنة دكتور محمد طه لجدعنتك وشجاعتك الموجودة والظاهرة ما بين السطور والجمل والكلمات والحروف

شكرا 🙏

من أسوء الكتب التي قرأتها هذا العام ، إعادة و تكرار و نقل صفحات من الفيس بوك بالعشرات لنفس الفكرة و نقل بوستات كاملة حتى يكتمل الكتاب لفكرة مبتذلة و ستظل حتى نهاية العالم مع تغير البيئة و المكان و العقليات و لم يقدم اى حلول ممكنة .

هو كتاب تجارى يعلم أن المرأة ستهتم به أكثر من الرجل دفاعا عنها مع أن محتوى الكتاب يقرر أن هذا الذكر من صنعك انت أيها المرأة و أطمئن قلبي عندما وجدت الكثير و منهم من الجنس الآخر متفق مع رأى هذا

لسة مخلصة الكتاب في الحقيقة هو زي اي كتاب الكاتب بيعرض فيه افكار والافكار دي تقبل الصواب او الخطأ ..

الكاتب عرض بعض التشوهات و الآفات الموجودة قي مجتمعنا ونفوس بعض الذكور الشرقية ( اللي مش منقرضة ) واللي انا مش فاهمة ليه اختار لفظ منقرضة في العنوان مع ان اغلب ذكور عصرنا بيعانوا بالفعل من التشوهات دي يعني مثلا دي مش حالات حصلت في عصور قبل كدا واحنا بنتستعرضها لا هي بالفعل موجودة ف ليه وصفها بالمنقرضة ؟ خلينا نقول ان قصده انه طريقة تفكير الذكور الشرقية اللي بيتكلم عنهم في الكتاب منقرضة واحنا توارثناها من اجيال سابقة طب ما دي حقيقة فعلا بس طالما لازلنا بنفكر بيها ونستخدمها يبقى مش منقرضة . صح !

بالإضافة الي انه في ثلاثة ابواب كاملين بيتكلم عن التشوهات والذكورة السامة وما الا ذلك وتركنا للباب الاخير اللي اتملنا ان فيه العلاج الفعال الا اني للحقيقة احبطت حسيت اني ف جلسة علاج نفسي اول ماخلصها هنسى اصلا اتقال فيها ايه لانها مش خطوات عملية تطبيقة مفيدة ..يعني انا لما اجاوب علي الاسئلة اللي في اخر فصل او كما وصفها الكاتب ب (اللعبة ) ايه التغيير بالظبط اللي المفروض ..طالما احنا متفقين ان ده مرض وتشوهات لازم نستأصلها وننضف مكانها عشان المجتمع يتعافى ويبقى سوي فيما يخص هذه المشكلة فبالتالي لازم تعرضلي العلاج يعني انا دلوقتي لما اشخص ذكر بهذا المرض اعالجه ازاي ..المفروض لما اقوله انك عشت حياتك كلها غلط تفكيرك غلط وجهة نظرك عن الستات غلط وجهة نظرك عن نفسك غلط روح اتعالج ولا خد العب اللعبة دي عشان تتحسن هيقولي ايوه فعلا معاكي حق !!

لا طبعا لان بعد تراكمات السنين دي كلها الجرح عفن خلاص ف لما تيجي تفتحه مش هيطلع غير صديد والمشكله ان الكاتب مقالش نتعامل مع الصديد ده ازاي هو قالنا في جرح موجود فيه صديد افتحوه واتعاملوا بقي انتوا !!

#ذكر_شرقي_منقرض

#د_محمد_طه

◾️نوع الكتاب: كتاب تحليل نفسي

◾️عدد الصفحات: ٣٤٢ صفحة

◾️مدة القراءة: ٢٢ يوم

الكتاب بيتعرض لنقطة جديدة محدش اتعرض ليها قبل كده وهو الفرق بين الذكورة والرجولة وبيفصلها ويشرحها بطريقة مفصلة جدا وبيوضح كمان ان الذكر الشرقي له اسبابه اللي تخليه يطلع كده وكمان بيوضح طرق العلاج لكن العلاج شفته كلام عام غير واضح بس اسلوب الكتاب عبارة عن بوستات فيسبوك طويلة حتى التحقيقات اللي كانت بتتم في الكتاب بتتم عن طريق السوشيال ميديا مش اكتر

اتعلمت منه ايوه اتعلمت واستفدت كمان بس كنت شايف ان ممكن الكتاب كله كان يتلخص في فصل واحد لاني شايفه اضعف كتاب لدكتور محمد طه كان ممكن ياخد ٤ نجوم لو الكتاب كان ملخص عن كده شوية وبدون حشو وتطويل

◾️تقييم الكتاب: (٢/٥)

كتاب يحلل ماطرأ على المجتمع المصري من افكار مغلوطة أدت الي مانراه من علاقات فاشلة بين الأهل و الأبناء و الأزواج وظاهرة التحرش و العلاقة بين الرجل و المرأة بوجه عام. حلل الكاتب هذه الأسباب في اخطاء التربية و تفسير أقوال دينية بطريقة مغلوطة و توريث افكار خاطئة و الضغط المجتمعي. كما انه عرض حلول لهذه الأزمة على مستوى الرجال و النساء و هيئات المجتمع. أتمنى ان يقرأ هذا الكتاب كل أم تربي بنات و أولاد و كل رجل و كل أنثى تتعامل مع رجل. لابد من ترك "هذا ما وجدنا عليه آبائنا" لأنه لا يصلح للجيل الحالي و لن يصلح بأي حال للمستقبل و خاصة انه اثبت فشله في الأجيال الحالية.

ما اقدر اقول غيّر نظرتي لأن هذي افكاري من اول،لكن نظمّها وتعمّق فيها بشكل رهيب وتكلّم فيها بكل منطقيه من غير تحيّز، يُذهلني جداً ان صار في كتب بهذا المستوى وهذي العقليه وصارت هذي الافكار تملأ رفوف المكاتب بدال الكتب الفارغه وافكارها السطحيه ، أتمنى لو اقدر اوزعه على كل شخص اعرفه..

كتاب رائع جدا ويمكن اهم كتاب من مجموعة دكتور محمد طه بيعملنا صدمة اد ايه احنا مجتمع مشوه وبناذى نفسنا واذى الاجيال الجديدة بعادات وتقاليد ومفاهيم ملهاش اى صحة بنطلع جيل ضايع فى كل تصرفاته

لازم نبدا من الاطفال ومنطلعش عقدنا عليهم يمكن نلحقهم ويبقى الامل فيهم

الكتاب يتكلم عن أعراض الذكورية الشرقية أنواعها ومين ساهم في انتشارها للتفاصيل أكتر قناتي في يوتيوب عالمي الأخضر

استمتت جداً بالقراءاة ... المؤلف اسلوبه رائع سعيده اني قرات له

كتاب لايستحق كل هذه الضجة فيه تكرار كتيررر ولم تخرج منه بشئ

كتاب رائع جدا رحلة جميلة وممتعه

كعادة الكاتب محمد طه

الكتاب مفيد جدًا.. شكرًا

مش بطالة...

ببب

م.