اقتباسات من كتاب علاقات خطرة

اللي يستاهل التقديس هو ربنا بس..

⁠‫وإحنا بشر.. مش آلهة..

إنت تقدر تتغير..

⁠‫إنت تقدر ما تبقاش مريض نفسي..

⁠‫وحتى لو مريض.. إنت تقدر تخف..

⁠‫إنت تقدر تقاوم جيناتك وتربيتك وظروفك..

بيكتشف إن أبوه وأمه في الحقيقة أغلب منه بمراحل، وإنهم هما شخصيًّا اتعرضوا لتشويه وأذى وضرر نفسي بيكون ساعات أقوى وأشد من اللي اتعرض ليه المريض نفسه منهم.. وبيكتشف إنهم قبل ما يؤذوه، كانوا ضحية للأذى، وقبل ما يقسوا عليه، كانوا ضحية للقسوة، وقبل ما يظلموه، هما نفسهم اتظلموا كتير..

⁠‫بيكتشف المريض شوية شوية إن اللي عمله معاه أبوه وأمه كان هو الحاجة الوحيدة اللي شافوها، والحاجة الوحيدة اللي يعرفوها، والحاجة الوحيدة اللي اتربوا عليها واتعلموها..

⁠‫بيكتشف إنهم بؤساء، وغلابة، ومظلومين.. وإنهم كانوا لفترات طويلة جدًّا خاضعين لظروف أقسى،

إحنا مش بس اسمنا ولا شكلنا ولا شغلنا ولا أهلنا..

⁠‫إحنا كمان الأثر اللي بنسيبه في الناس والأشياء والأماكن.. بعد ما نتجرد من كل طبقات وجودنا المؤقتة..

⁠‫إنت بقى..

⁠‫مين؟

الفَقْد حق..

⁠‫الحزن حق..

⁠‫قبول الفَقْد.. نجاة..

⁠‫قبول الحزن.. حكمة..

⁠‫و..

⁠‫قبول الموت.. حياة..

والرجاء:

⁠‫ارضوا من أولادكم بأقل القليل..

⁠‫بلاش تعايروهم بالتقصير وعدم الكمال..

⁠‫بلاش تجلدوهم بكرباج «لازم»..

⁠‫وبلاش تشنقوهم بحبل «المفروض»..

⁠‫سامحوهم واعذروهم واقبلوا خطأهم وضعفهم وفشلهم..

⁠‫وقبلها..

⁠‫سامحوا نفسكم.. واعذروها.. واقبلوا خطأكم وضعفكم وفشلكم..

⁠‫إحنا بني آدمين..

⁠‫إحنا مش ربنا..

و ليكم أهل.. اقعدوا معاهم واسمعوهم وكلموهم.. سامحوهم واعذروهم.. احضنوهم وحسوا بحضنهم..

⁠‫وانتو بتربوا أولادكم.. خلوا فيه بينكم وبينهم لحظات حلوة كتير.. مواقف طيبة فيها قبول وفرحة ورحمة..

⁠‫علشان في وقتٍ من الأوقات..

⁠‫لحظة أمان واحدة.. ممكن تكون هي حائط الصد ضد صدمةٍ نفسيةٍ مفاجئةٍ..

⁠‫موقف طيب بسيط.. ممكن يكون هو درع الحماية قصاد هجوم المرض النفسي وشراسته..

⁠‫حضن دافي صغير .. ممكن يكون هو مكانك الأخير عند اختفاء كل الأماكن..

⁠‫كلمة حلوة.. نظرة قرب.. ابتسامة رضا.. ممكن تكون هي الملجأ والملاذ والمنقذ.. وقت طوفان النفس العنيف..

فيه دعاء شهير بيقول: «اللهم أرنا الأشياء كما هي»..

⁠‫يا رب..

⁠‫أرنا الأشياء كما هي..

⁠‫عاملوا أجسامكم بما تستحق.. لأنها تستحق..

الدفاع القوي الناجع ضد كل الأمراض النفسية- مهما تطور العلم وزادت الأبحاث، هو وجود إنسان (ولو واحد) قابلك ومهتم بيك وبيحبك حب حقيقي غير مشروط..

⁠‫خط الرجعة الأخير ضد الاكتئاب والقلق واضطرابات الشخصية، في وجود كل أنواع الأدوية والعقاقير، هو علاقة إنسانية يوصلك فيها إنك من حقك تكون نفسك.. من غير ما تدفع أي تمن..

⁠‫حائط الصد الصلب ضد الذهان والفصام والجنون، بالرغم من نجاح بعض الطرق الأخرى، هو إنك تصدق إنك تستاهل تعيش، وتستاهل تفرح، وتستاهل تتحب.. وإن ده حقك..

⁠‫تستاهل تعيش..

⁠‫وتستاهل تفرح..

⁠‫وتستاهل تتحب..

من أكتر الأمراض النفسية المنتشرة في مصر نوع منها اسمه «الأمراض النفس- جسدية».. يعني الأمراض اللي فيها المريض بيشتكي بأعراض جسمانية، لكن سببها الحقيقي نفسي مش عضوي..

⁠‫الأمراض دي بتنتشر في بعض المجتمعات اللي بيكون فيها التعبير عن الألم النفسي أو المشاعر النفسية الحقيقية غير مقبول.. علشان عيب.. أو غلط.. أو مُحن.. أو قلة أدب.. فيضطر الجسم شخصيًّا إنه يعبر عن الألم النفسي.. بس بلغته

❞ وتتجاوز ألم الفقد.. وتغامر وتجازف وتقتحم الخطر.. وتنزل على الأرض.. وتخطو خطواتها الأولى نحو الحياة.. على شاطئ البحر.. وكأنها لسة بتتعلم المشي.. بكل إرادة، وإصرار، وشجاعة.. ❝

❞ وتتجاوز ألم الفقد.. وتغامر وتجازف وتقتحم الخطر.. وتنزل على الأرض.. وتخطو خطواتها الأولى نحو الحياة.. على شاطئ البحر.. وكأنها لسة بتتعلم المشي.. بكل إرادة، وإصرار، وشجاعة.. ❝

إحنا ربنا حط فينا بؤرة نور من يوم ولادتنا لغاية ما نموت.. سميها الفطرة.. سميها النفس الحقيقية، سميها قبس من روح الله.. سميها زي ما تسميها.. النور ده مش بينطفي أبدًا مهما اتعرض لرياح وأعاصير وزلازل نفسية مهما كانت عنيفة.. ممكن يخفت شوية، ممكن يتوهج شوية.. لكنه مش بينطفي أبدًا.. ولا حتى بالموت..

‫ إحنا جوانا قدرة هائلة على المقاومة.. ودوافع إنسانية فطرية جبارة على التغيير.. وقوة جذب رهيبة نحو الحياة..

مُمكن تكون أعقد حاجة في الدنيا هي العلاقات بين البشر..

❞ العلاقات الطيبة هي إكسير الحياة.. وهي الترياق الوحيد ضد الذبول الروحي.. والموت النفسي.. ❝

❞ اكتشف الباحثون في آخر الدراسة إن أكتر حاجة فرقت في صحة الناس النفسية والجسدية، وطول أعمارهم ومدى سعادتهم وقدرتهم على مقاومة الأمراض والأحزان والشيخوخة وغيرها.. هي وجود علاقات طيبة في حياتهم.. علاقات فيها قرب وحب وتراحم وتفاهم.. علاقات كان ❝

‫ بعض كتاباتي السابقة كانت بتركز على دور الرسايل اللي بتوصل من الآباء والأمهات في تكوين صعوبات وأعراض وأمراض نفسية عند أبنائهم وبالرغم من إن ده مش العامل الوحيد في الإصابة بالمرض النفسي (فيه عوامل جينية وبيئية وغيرها كتير)، لكنه–

‫ سامحوا نفسكم.. واعذروها.. واقبلوا خطأكم وضعفكم وفشلك

‫ مهم كمان نعرف إن كل حالة من دول ليها مفتاح. وكل شخصية فيهم ليها مدخل. يعني لما يكون واحد قافش وزعلان وقرفان من نفسه، وعايش حالة «الوالد الناقد» أو «الطفل المذعن- المتكيف». لما تيجي تكلمه تعمل حسابك إنك تخاطب