اقتباسات من كتاب علاقات خطرة

بنوصفها إنها متقلبة المزاج.. رغم إن الطبيعة نفسها متقلبة المزاج.. وفيها ليل ونهار وصيف وشتا.. الأنوثة برضه فيها ليل ونهار.. وصيف وشتا.. لأن وجودها مرتبط بوجود الطبيعة وكيانها وصفاتها..

من أجمل أوصاف الأنوثة «الحقيقية طبعًا» إنها هي الـ«Being»، يعني الوجود..

لو ليكم أصحاب.. قربوا منهم وحبوهم واستقبلوا حبهم.. احفروا ذكرياتكم الحلوة معاهم في كل خلية فيكم..

‫ لو ليكم أهل.. اقعدوا معاهم واسمعوهم وكلموهم.. سامحوهم واعذروهم.. احضنوهم وحسوا بحضنهم..

‫ وانتو بتربوا أولادكم.. خلوا فيه بينكم وبينهم لحظات حلوة كتير.. مواقف طيبة فيها قبول وفرحة ورحمة..

إنت عارف إن الجنين في رحم أمه بيحس وبيستقبل رسايل كتير من العالم الخارجي؟ بيوصله حنان أمه ومشاعرها.. بيحس هي متضايقة ولَّا فرحانة، بيعرف هي مطمنة ولَّا قلقانة، بيوصل له هي بتحبه ولَّا لأ، قابلة وجوده ولَّا رافضاه، عاوزاه ولَّا جه غلطة.. هو بيحس ويستقبل كل ده بطرق كتير جدًّا أبسطها الهرمونات اللي بيفرزها جسم الأم في حالاتها النفسية المختلفة وبتوصل للجنين من خلال المشيمة.. يعني حتى جوَّه الرحم.. ممكن الجنين يحس بالحب والعطف والقبول والأمان.. أو يحس بالكُره والجفاء والرفض والتهديد.. ده مش كلام فلسفي ولا أسطوري.. ده كلام علمي عليه آلاف الأبحاث والدلائل الحديثة..

وأكبر انتصار عليك من حد ظلمك.. هو إنه يحولك لصورة منه..

علشان أي تواصل بينك وبين حد، الكلام مش بيوصّل فيه أكتر من ٧ في المية بس من الرسالة.. وكل الباقي بيوصل بالطريقة اللي اتكلمت بيها، ووضع وحركة وتعبيرات جسمك وإنت بتتكلم.. تصور؟

جسمك أصدق منك..

وافتكروا إن الصاحب الحقيقي والأصيل لكل الرسايل اللي بوصلها اسمه «د. رفعت محفوظ».. أستاذي وأبي الروحي.. اللي قاللي في يوم من الأيام: «لو عاوز ترد لي الجميل.. علم الناس اللي أنا علمتهولك»..

صدرت له أربعة كتب باللغة العربية: «الخروج عن النص»، و«علاقات خطرة»، و«لأ.. بطعم الفلامنكو»، و«ذكر شرقي منقرض».

بس اكتشف الباحثون في آخر الدراسة إن أكتر حاجة فرقت في صحة الناس النفسية والجسدية، وطول أعمارهم ومدى سعادتهم وقدرتهم على مقاومة الأمراض والأحزان والشيخوخة وغيرها.. هي وجود علاقات طيبة في حياتهم.. علاقات فيها قرب وحب وتراحم وتفاهم.. علاقات كان الطرف التاني فيها متاح وموجود في عز الأوقات الصعبة.. وعلى العكس.. ا

فيه جوه كتير مننا حتة فاضية.. حلقة داخلية مفرغة.. بنحاول نملاها بحاجات كتير وبطرق مختلفة.. بس بدون فايدة..

⁠‫حد بيحاول يملاها بنجاحات مدوية وخارقة ومبهرة.. حد بيحاول يملاها بشهرة ونظرات إعجاب في عيون الناس.. حد بيحاول يملاها بنهم وشره غير مبرر للفلوس أو للنفوذ أو للأضواء أو للبس أو حتى للأكل.. حد بيحاول الدخول في قصص حب متكررة سطحية زائفة.. حد تاني بيلبس رداء علم أو حكمة أو دين من غير عمق أو أصالة أو حقيقة.. وكل ده مش بيملا ولا يشبع ولا يسد هذا الفراغ النفسي الداخلي اللي بيكون عامل زي الثقب الأسود اللي بيبلع أي حاجة وأي حد بلا نهاية..

⁠‫من الآخر.. وبكل صراحة ووضوح.. الفراغ ده مش بيتملي غير بحاجة واحدة بس.. هي إنك «تصدق إنك تستاهل»..

⁠‫احتمال الجملة دي تكون مكررة في كتاباتي ومحاضراتي (ومش هأزهق ولا هأبطل تكرارها

الخروج عن النص»، و«علاقات خطرة»، و«لأ.. بطعم الفلامنكو»، و«ذكر شرقي منقرض».

⁠‫بتحب جسمك؟

⁠‫سؤال غريب.. مش كده؟

⁠‫غالبًا أول مرة حد يسألهولك..

⁠‫بالرغم من إنه رفيق عمرك وصاحبك من يوم ما اتولدت.. وبالرغم من إنك ساكن فيه حتى من قبل ما تتولد.. وبالرغم من إنه ياما شاف واستحمل معاك!

⁠‫بتحبه؟

⁠‫طيب بتكرهه؟

⁠‫قابله؟

⁠‫مش قابله؟

⁠‫بتحترمه؟

⁠‫بتحتقره؟

⁠‫بتهتم بيه؟

إنت مش مِلك حد.. ولا حد مِلكك.. حتى أولادكم مش مِلككم.. دول- على رأي جبران- أولاد الحياة..

⁠‫افتحوا الدايرة.. 

⁠‫يرحمكم الله..

اللي يستاهل التقديس هو ربنا بس..

⁠‫وإحنا بشر.. مش آلهة..

إنت تقدر تتغير..

⁠‫إنت تقدر ما تبقاش مريض نفسي..

⁠‫وحتى لو مريض.. إنت تقدر تخف..

⁠‫إنت تقدر تقاوم جيناتك وتربيتك وظروفك..

بيكتشف إن أبوه وأمه في الحقيقة أغلب منه بمراحل، وإنهم هما شخصيًّا اتعرضوا لتشويه وأذى وضرر نفسي بيكون ساعات أقوى وأشد من اللي اتعرض ليه المريض نفسه منهم.. وبيكتشف إنهم قبل ما يؤذوه، كانوا ضحية للأذى، وقبل ما يقسوا عليه، كانوا ضحية للقسوة، وقبل ما يظلموه، هما نفسهم اتظلموا كتير..

⁠‫بيكتشف المريض شوية شوية إن اللي عمله معاه أبوه وأمه كان هو الحاجة الوحيدة اللي شافوها، والحاجة الوحيدة اللي يعرفوها، والحاجة الوحيدة اللي اتربوا عليها واتعلموها..

⁠‫بيكتشف إنهم بؤساء، وغلابة، ومظلومين.. وإنهم كانوا لفترات طويلة جدًّا خاضعين لظروف أقسى،

إحنا مش بس اسمنا ولا شكلنا ولا شغلنا ولا أهلنا..

⁠‫إحنا كمان الأثر اللي بنسيبه في الناس والأشياء والأماكن.. بعد ما نتجرد من كل طبقات وجودنا المؤقتة..

⁠‫إنت بقى..

⁠‫مين؟

الفَقْد حق..

⁠‫الحزن حق..

⁠‫قبول الفَقْد.. نجاة..

⁠‫قبول الحزن.. حكمة..

⁠‫و..

⁠‫قبول الموت.. حياة..

والرجاء:

⁠‫ارضوا من أولادكم بأقل القليل..

⁠‫بلاش تعايروهم بالتقصير وعدم الكمال..

⁠‫بلاش تجلدوهم بكرباج «لازم»..

⁠‫وبلاش تشنقوهم بحبل «المفروض»..

⁠‫سامحوهم واعذروهم واقبلوا خطأهم وضعفهم وفشلهم..

⁠‫وقبلها..

⁠‫سامحوا نفسكم.. واعذروها.. واقبلوا خطأكم وضعفكم وفشلكم..

⁠‫إحنا بني آدمين..

⁠‫إحنا مش ربنا..