‎⁨العصفورة الحمراء 5 : إلبتروم⁩

الرواية سلسلة العصفورة الحمراء الجزء الرابع والخامس (نقش الشمس، إلبتروم)

الكاتبة أماني الصغير

دار النشر كتوبيا

*********

حين تمسك الرواية بين يديك لن تجرؤ على تركها، ليس إلا لأنها سوف تسرق وقتك وتخطف بصرك وتجعلك تنغمس فيها بكل حواسك، استطاعت الكاتبة غزل سطورها كمحترفة تجيد الغزل والحياكة، الحقيقة ليست أول قراءة لي للكاتبة، وكل مرة تنجح فيها في خطفي لأسقط داخل بؤرة سحرية تجول بي في عالم خيالي أطالعه ولا أقرأه؛ فالكاتبة تجيد تجسيد أبطالها ومشاهدهم حتى لكأنك تشاهد مسلسلًا فخمًا متقن الإنتاج والإخراج، استكملت الصراع بين مملكتي آيشوريا وأوجان، وسلطت الضوء على القوة الغاشمة التي ينتهجها البعض في تحقيق مجد زائف قائم على زهق الأرواح والتضحية بكل غال ونفيس، نقلت لنا الرواية تطور شخصية البطلة بينارو وبسالة جاكيروس في الحفاظ على وعده بحمايتها، تصاعد الصراع بين الخير والشر لن يتوقف أبدًا ما دام هناك من يحفظون الحقوق ويتسلحون بالشهامة والوطنية والولاء..

عيبها الوحيد لي أنها لم تنتهي عند آخر سطر، بل لا زال للخيال بقية تروى كما وعدت الكاتبة عند آخر صفحة، وبانتظار الجزء الثالث من الرواية إن شاء الله 🥰 🥰

***********

لغة الرواية جاءت بعربية سليمة غير متقعرة، مع استخدام سحر اللغة في الوصف والتشبيهات 🤩

***********

إقتباسات:

* في قاموس الحروب لا يوجد أبرياء.. كل من لا ينتمي إليك فهو عدوك..

* اللعنة على ذلك الواقع البغيض المتعجل بإظهار الحقائق مجردة من النيات والغايات.

#شيماء_جاد

#مراجعات

#قراءات

انظر المراجعة الشاملة في الكتاب رقم ٨.

رحت جناح دار نشر في معرض مكتبة الإسكندرية، ولقيت سلسلة اسمها "العصفورة الحمراء". أول حاجة شدتني كان الغلاف والتصميم، فعلاً شكلهم مغري يخليك تمسك الكتاب من غير تفكير 😍

سألت عن السلسلة، وعرفت إنها وصلت لـ 8 أجزاء. قلبت في الجزء الأول عشان أشوف نبذة أو مقدمة… للأسف ملقتش غير خريطة للعالم الخيالي بتاع الرواية 🗺️.

بس قلت ماشي… خليني أديها فرصة واقراها، خصوصًا لما اكتشفت إنها موجودة كاملة على تطبيق أبجد 👏

لحد هنا تمام لكن المفاجأة بقى إن السلسلة مطلعتش سلسلة مستمرة أو ممتدة ومفيس العدد 9 أو عشرة وإن كل عدد عبارة عن جزء.

يعني السلسلة مش قصص منفصلة زي "لاشين" أو "ما وراء الطبيعة"، لأ… دي رواية واحدة طويلة متقسمة على 8 أجزاء.

يعني لو بدأت، لازم تكمل كل الأجزاء عشان القصة تكتمل عندك.

وطبعًا يا بخت اللي عنده أبجد، لأن سعر النسخة الورقية للجزء الواحد 130 جنيه… يعني السلسلة كلها ممكن توصل لـ 1000 جنيه 😅📚

أنا قرأت الأجزاء واحد ورا التاني، وبصراحة الحكاية شدتني جدًا ✨.

أنا قرأت جزء ورا جزء، وبصراحة الحكاية شدتني جدًا، كنت متحمس أعرف مصير الشخصيات وإجابات الأسئلة اللي بتظهر في كل حلقة. الرواية شيقة جدًا ومناسبة للناشئة أو لأي حد بيدور على فانتازيا بسيطة ومش معقدة.

📌 الإيجابيات: الحوار ممتع وخفيف، السرد عاطفي وملهم، والحبكة معمولة بحرفية، وفيها بلوت تويستات حلوة جدًا.

📌 السلبيات: الوصف ساعات بيطوّل أكتر من اللازم وبيكون ممل شوية.

لكن في العموم… التجربة كانت ممتعة جدًا. واللي بيدوّر على رواية فانتازيا مختلفة ويحب يخلص سلسلة كاملة… "العصفورة الحمراء" تستاهل القراءة 👌

المفاجأة بقى إني لقيت إن السلسلة عبارة عن إعادة نشر لثنائية كانت صدرت قبل كده عن دار نشر مختلفة وده خلاني مستغرب جدا جدا.

#أحمدمجدي