اقتباسات سالي العقاد

مشفتش مديرين كتير بيهتموا بتعليم التيم اللي معاهم والتقدم الوظيفي بتاعهم.

‫ المدير الوحش هو اللي بيقى عنده leadershit مش leadership! 

‫ وممكن يوصل إنه يدمر اللي حواليه ويأثر على حياتهم وبيتهم كمان مش بس شغلهم. 

بيحسسونا بالأمان حتى لما نعمل حاجة غلط في الشغل، مش بيعلقولنا المشانق، بالعكس، بيعلمونا من أخطائنا. 

‫ الناس دي نادرة زي الألماظ! 

المديرين أو القادة عموما على مر التاريخ ليهم تأثير كبير على ثقافة مكان الشغل والأداء، بيتعاملوا إزاي، بيشوفوا دورهم إزاي، بيوظفوا قدراتهم وينموها إزاي. 

المدير القائد هو المسؤول عن تحديد النغمة والرؤية التي هتلهم الموظفين عشان يستخدموا امكانيتهم بكامل قوتها ويبتكروا ويبقوا دينامو تطور المكان اللي بسشتغلوا فيه، القصة مش بس تحديد أهداف وخطط وشعارات.

الشركات محتاجة مديرين قادة، يقدروا يقدموا النصح والإرشاد، وتحديد الأهداف، وتحفيز الموظفين وخلق ثقافة النجاح ويكونوا قدوة.

أسلوب فَرِّق تَسُد وسخنهم على بعض عشان المنافسة تشعلل في الذرة دا، مش هيشعلل غير فيك إنت والشغل في ساعة واحدة.

الكلمة زي الرصاصة، لو خرجت مش هترجع، فحاسب على كلامك خصوصًا لو مركزك كبير.

الحكمة والعقل والتقل في القرارت هو اللي هيخليك تكمل. 

متغمضش عنيك وتعمل نفسك مش شايف المشاكل، كدا كدا موجودة وكدا كدا لازم تواجها وتحلها.

الشغل دا عامل زي الدنيا بالظبط، كل يوم لازم تاخد تختار وتاخد قرارات ترسملك بقية حياتك.  وإنك متختارش أو متاخدش قرار، دا في حد ذاته قرار.  حلقة مفرغة من القرارات المستمرة اللا نهائية.

في عالم البيزنس والشغل، مفيش حاجة ببلاش، أي قرار هتاخده ليه ثمن، نتايج وعواقب … القرار دا فعل، وكل فعل ليه ردود فعل. خلي قراراتك دايمًا مبنية على حقائق، وأرقام، ودراسات جدوى، وخبرات ودروس سابقة

إنك تعرف تتكيف مع الاوضاع الجديدة ايا كانت هو دا مفتاح النجاح في أي شغل لو معملتش كدا واستغليت أي تريند أو اتجاه جديد، هتخسر عملاء وتخر الشعل … ‫6- متخفش من التجديد والتغيير حتى لو هيتعبك في الأول، لو

سوء معاملة الموظفين هيلبسك في حوارات وإعلام وقواضي وخسارة وتشويه سمعة، والمعاملة المحترمة والعادلة هتخلي الموظفين يشيلوك من على الأرض شيل …

‫ اختار إنت بقى!

الشركات مسؤولة عن راحة موظفينها، على الأقل أساسيات الراحة، بدل ما الموظفين يسرسبوا الكلام برة والشركة فتخسر سمعتها وموظفينها وعملائها وفلوسها.

متعليش سقف الأهداف والتوقعات على الموظفين لدرجة إنك تخنقهم من الشغلانة وتخليهم يضحوا بحياتهم الاجتماعية والأسرية، هيقلبوا عليك هيقلبوا عليك. 

‫ الدرس المستفاد: الضغط الزيادة عن اللزوم والأهداف اللي مش منطقية بتخلي الموظفين يلجأوا لأي حل حتى لو اتخلوا عن الأخلاقيات والمبادئ.

شخصية صفرا، وبيعشق إنه يضرب أسافين ويوقع الموظفين في بعض عشان يضمن المنافسة القذرة.

لما الكلمة تبقى طالعة من شخص مسؤول وكبير، بتبقى تأثيرها أقوى من أي كلمة لحد تاني.

‫  احترم منتجاتك والموظفين بتوعك وعملائك، وفكر قبل ما تتكلم دا لو مكنتش أصلًا محضر حاجة ومتراجعة من المختصين.

الخبرة والصياعة والحكمة مهمين قوي في شغلانة صعبة كدا، أهم من مشاعرك المرهفة اللي ممكن تتجرح من مديرك السئيل الصعب، لما يبقى المدير عبقري زي دا، تعالى على نفسك واستحمل يمكن تتعلملك حاجتين ينفعوك ‫ دا الراجل ساب الشركة شوية

لما يبقى في مشاكل ممكن تسبب كوارث من النوع دا، متدفنش راسك في الأرض زي النعامة، ومتعملش نفسك مش واخد بالك من، واجه المشكلة وحلها ولو معرفتش قول مش عارف وهات حد يعرف.