اقتباسات سالي العقاد

الشخص اللي نجح إنه يغير فعلًا مش شرط يبقى اذكى واحد في المجرة، بس شرط إنه يبقى عارف يعمل مناورات تخليه مستعد لأي مقاومة جاية في وشه، ويبقى صبور ويتحمل وينشف شوية ما دام هو عارف إنه صح. 

كلنا بنتعرض للمقاومة، إنت أول ما تفكر تعمل حاجة جديدة مختلفة هتلاقي مليون واحد وحاجة بتحاول تحاربك، وكل ما التغيير اللي عايزه يبقى كبير كل ما المقاومة هتبقى أكبر.

‫ التغيير هو اللي بيخلي أي مكان يكبر، وما دمت بتشتغل في مكان يبقى لازم تشتغل بما يرضي الله وبما ينفع المكان دا مش بما يرضيك إنت. (لو مش عاجبك افتح فرن واعجن براحتك).

لو الموظف حس إن مديره مكبره ومشاركه السبب والنتيجة بتاعت التغيييرات المطلوبة، فالمدير هيلاقي الموظف انشكح وحس إنه جزء من التغيير وشريك في القرارات وهيبقى ملتزم ومستعد لكل اللي جاي. 

‫  ودا بقى بيسموه تبادل المدير والموظف leader member exchange (LMX)

أول حاجة بتيجي على بال الموظف لما يحس إن في حاجة هتتغير عن اللي هو عارفه، هي الخوف، ولا تقوله فوائد ولا عوائد دا شايف أساسًا إنه التغيير دا ظلم أيًّا كان. (فورد وفورد، 2010). فيروح مدي وش ومعترض على أي حاجة ويطلع القطط الفاطسة في أي خطة تغيير، ودي بقى اسمها مقاومة التغيير resistance to change (RTC) (فولجر وكونوفسكي، 1989) - المصدر علم النفس التنظيمي/ سيكولوجية مقاومة التغيير

تشير الدراسات إلى أن أكثر من ثلثين المجهود المبذول في تنفيذ التغيير بتفشل (Beer and Nohria، 2000; Meaney and Pung، 2008). 

الذكي هو اللي يبقى عارف أن الثابت الوحيد في الحياة دي هو التغيير. 

منعكس سيملفيس هو استعارة مكنية لرفض الأدلة الجديدة أو المعلومة الجديدة بحجة إنها بتتعارض مع المعايير أو المعتقدات أو القوالب والنماذج الراسخة اللي متعودين عليها. 

‫ ودا حقيقي جدًّا …

‫ إحنا ساعات كتير بنقع في فخ القوالب الحالية الموجودة، اللي بتعمينا عن المعلومات الجديدة المهمة. 

‫ الموظفين الطموحين زيادة والملتزمين زيادة ممكن يحرقوا نفسهم بنفسهم، على الرغم من إدراكهم إنهم محتاجين يهدوا شوية على نفسهم (فرودنبرجر، 1974).

الجدلية بتسلط كشاف نور على التناقض العجيب بين إنك تشتغل وتدي كل اللي عندك، وبين إنك ترهق نفسيا لدرجة إنه يطلع عين امك وتبقى مطفي وخلصان، (Cole et al.، 2012، Maslach and Leiter، 2008). 

وصمة العار المرتبطة بالصحة النفسية في مكان شغلك ملهاش أول من آخر، ضغط الشغل ممكن يبقى كتير ولفترات طويلة، وسياسة المكان ممكن تستنزفك تمامًا. فمتستغربش إن كتير من الشركات دلوقتي بقت تتكلم عن برامج الترفيه اللي عاملاها للموظفين عشان تستقطب أكبر عدد من المغفلين الجداد اللي هيشيلوا البلاوي المتلتلة، وطبعًا عشان المغفلين الموجودين ميفرهدوش

كل قرار، كل اعتبار، كل إجراء هبخلق موجة من الاحداث …

‫ عشان كدا، لو إنت فاهم ومذاكر وحاسب نتايج وعواقب كل قرار… يبقى دوس يا باشا وتوكل على بركة الله.

من خبرتي في سوق العمل، مفيش شركة كبيرة أو شركة صغيرة ممكن تفشل بسبب خطأ واحد فقط غير محسوب …

‫ سبب الفشل بيبقى حاجة كدا زي كومبو بيج تيستي، مزيج مكون في بعض، أنانية المدير، مقاومة للتغيير، قرارات غير متوافقة مع توقعات الموظفين أو العملاء أو السوق.

قوانين نيوتن قوانين حتمية تمامًا، معناها إن أي شيء هيحصل في أي وقت في المستقبل هيتحدد باللي بيحصل دلوقت، ودا معناه إن كل حاجة بتحصل دلوقت اتحددت باللي حصل في الماضي. 

يعتمد تأثير الفراشة على فكرة أن العالم مترابط بشكل عميق، حدث صغير ممكن يأثر على نظام معقد أكبر بكثير. 

‫ نظرية تأثير الفراشة هو منظور تاني لنظرية الفوضى. 

‫ فكرته إيه؟ إن الفراشة الصغيرة اللي بترفرف بجناحها الفسلة دا، ممكن تتسبب في إعصار. 

‫ تفتكر؟!؟ محدش عارف!

‫ تأثير الفراشة هو حرفيا أي حاجة تتعلق بالعواقب. 

يعتمد تأثير الفراشة على فكرة أن العالم مترابط بشكل عميق، حدث صغير ممكن يأثر على نظام معقد أكبر بكثير. 

‫ نظرية تأثير الفراشة هو منظور تاني لنظرية الفوضى. 

‫ فكرته إيه؟ إن الفراشة الصغيرة اللي بترفرف بجناحها الفسلة دا، ممكن تتسبب في إعصار. 

الغطرسة، اللي هي الغرور والكبر والثقة الزايدة عن حدها، ساعات بتخلي المدير ياخد خطوات مش محسوبة ويتجاهل أي تحذيرات واضحة وريد فلاجز ومسعملش حساب أي كارثة ممكن تحصل، ما هو «جاك الفتاك» بقى!!! 

Micromanagement 

‫ الإدارة التفصيلية دي أكبر مثال على وهم السيطرة، لما المدير يكون فاكر أن طريقته أحسن طريقة في الكون، فتلاقيه بيحاول يتحكم في كل صغيرة وكبيرة

القاعدة الذهبية التي اتعلمتها: 

‫ لو عندك الشك … إسأل!! اطلب مساعدة!

لو حبيت تعمل فيها عنتر وحجمك غرك، ومتتأقلمش مع التغييرات اللي طبيعي تظهر كل فترة ولازم نتعامل معاها ونقدر نواكبها، يبقى كان الديناصور نفع نفسه ومنقرضش!!! 

«الكفاءة» تعمل شغلك بجودة عالية، «والالتزام» تعمل شغلك بنزاهة.