اقتباسات مصطفى النحاس

لو ما عندكش حاجة تقولها للمتألم تخفف عنه كفاية تدي له مساحته، مش لازم ترمي عليه حِمل النصائح والتوجيهات.

ألم التعافي أرحم بكتير من ألم الانتظار. من حقك تقلب الصفحة وتداوي وجعك.

ما تخليش موقف عدّى في حياتك يحوّلك لشخص غاضب وناقم طول الوقت، اِدي نفسك فرصة للتخطّي والتخلُّص من الغضب المتراكم جوّاك.

كل اختيار في حياتك له تمن، ما تختارش حاجة تمنها راحة بالك.

أهم من لومي لنفسي هو اعترافي بالغلط، ضميري الصاحي هو حماية ليَّا من إهانة نفسي بالأخطاء، مش جلاد عايش معايا يحاكمني ويصعَّب عليَّا دنيتي! أنا بعترف بأخطائي عشان أتولى المسؤولية مش عشان أجلد نفسي عليها كل يوم!

‫ مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

أهم من لومي لنفسي هو اعترافي بالغلط، ضميري الصاحي هو حماية ليَّا من إهانة نفسي بالأخطاء، مش جلاد عايش معايا يحاكمني ويصعَّب عليَّا دنيتي! أنا بعترف بأخطائي عشان أتولى المسؤولية مش عشان أجلد نفسي عليها كل يوم!

‫ مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

الشريك المناسب هو اللي بحس معاه إني شبعان، ممتلئ ومكتفي، قادر أشوف نفسي في ضعفي معاه، قادر أبان قدامه بكل تفاصيلي من غير خجل ولا إحساس بالذنب أو الخزي والعار.. الشريك المناسب هو اللي تحس معاه بالأمان وإنك متطمن لغيابه زي حضوره، واللي مش بيخليك تسأل نفسك كتير هو أنا في المكان الصح ولَّا أنا محتاج أهرب وأخرج من العلاقة دي فورًا.. والشريك المناسب مش بنقابله كل يوم، بس وجوده بيفرق وبيسيب علامة جواك بتخليك تحس إنه الأنسب لمجرد إن بالك مرتاح ومتطمن.

الضرر الأكبر اللي ممكن يقع علينا هو الفجوة اللي بتكبر جوانا كل يوم، كلنا جوانا حتة ناقصة بنكملها يوميًا باحتياجات نفسية، من أكل وشرب وعلاقات وحب وتقدير وهكذا، الكذب بيزوِّد الفجوة دي ويخلي احتياجاتنا تتضاعف، بيخليني جعان أكتر للحب ومتشوق طول الوقت للتقدير، ونفسي الناس تشوفني وتسقف لي على كل حاجة، والنهم بيزيد وعمري ما بشبع وادخل في دواير كذب أكتر لحد ما أصدق نفسي وأعيش مع القناع الوهمي اللي رسمته لنفسي، وأصعب لحظة بتعدي عليَّا هي لحظة الحقيقة، لما بكون لوحدي مع أفكاري وصوت ضميري، بحس قد إيه القناع دا كان تمنه غالي وسرق مني ومن طاقتي كتير لدرجة

ما تأجلش استمتاعك لما تخلّص مسؤولياتك، لحظات الاستمتاع هي الوقود اللي بيخليك تكمّل وبتهوّن عليك الحِمّل.

لحظات الصدق مع النفس هي اللي بتعمّق علاقتك بنفسك؛ اِستغل كل لحظة بتقرّبك لحقيقتك.

جايز إنت مش كتوم بس الدواير اللي حواليك مش شبهك ولا بتعرف تعبّر عن نفسك معاهم.

من حقك تنتظر الأنسب ليك من غير ما تحس بالذنب إنك بتتبطّر أو بتتعالى، مش كل حاجة عاجبة غيرك مناسبة ليك.

لو بتحب تسعد اللي حواليك ما تنساش تسعد نفسك وتعمل لها اللي بتحبه.

مش هيضرّك ولا يقلل منك إنك تساعد غيرك ينجح، الحياة تتسع للجميع.

وصولك لهدفك مبني على تكرار المحاولة، ما فيش حاجة بتيجي من أول مرة ولا حاجة غالية من غير تمن.

لما بتتعلم الامتنان وتمارسه في يومك بتعرف تلمح الجمال في كل حاجة وتستمتع بيها.

اللحظة اللي انت فيها ما لهاش إعادة، اِستمتع بالموجود وافتكر إن اللحظة الصعبة مؤقتة وهتعدي.

استمتاعك بصُحبة نفسك هو اللي بيحميك من أي علاقة مؤذية، وبيسهّل عليك فك التعلق المرضي.

استمتاعك بصُحبة نفسك هو اللي بيحميك من أي علاقة مؤذية، وبيسهّل عليك فك التعلق المرضي.

استمتاعك بصُحبة نفسك هو اللي بيحميك من أي علاقة مؤذية، وبيسهّل عليك فك التعلق المرضي.