اقتباسات مصطفى النحاس

❞ ما تصدقش كل فكرة تلقائية بتيجي لك وتعيش معاها، ساعات كتير دماغك بتوهمك وتضخم لك الأمور. ❝

❞ الحب المشروط بيخلي الطفل يكبر وهو مصدق إنه مش كفاية، مضطر يقدّم طول الوقت عشان يتحب، وإنه مهما عمل مش هيكون رقم واحد عند حد! ❝

❞ إنت مش مضطر تبرر نفسك لكل الناس، المهتم بيك هيعرف يلتمس لك عذر، واللي مختار يشوفك سيئ حُكمه مش هيغير حاجة. ❝

❞ فيه أيام بتعدي عليك أكبر إنجازاتك فيها إنك عافرت وعديت اليوم. ❝

❞ ما تحاولش تداوي وجع الفقد بتسطيح علاقاتك.. وانت في وجعك محتاج ونس ودعم العلاقات القريبة. ❝

❞ اتمسِّك بأي لحظة بتخليك مبسوط، املأ خزانات السعادة جوّاك. ❝

❞ قد يكون أكبر إنجاز في يومك إنك قدرت تقوم تحاول وتكمّل معافرة. ❝

❞ ما تسمحش لصوت الناقد الداخلي اللي جواك يساعد أي حد بيكسّر فيك.. ما توصمش نفسك وتصدّق بس السلبيات. ❝

❞ حديث النفس محتاج يكون متوازن، فيه نوع من الطبطبة، يكون فيه كلمة معلش ❝

المساحات النفسية هي مساحات البراح اللي أنت محتاجها عشان تعيش متوازن، بدون ضغوط حواليك أو من جوَّاك

إن ما حدش فينا بيختار ظروفه بس بنختار نتعامل معاها إزَّاي.

وأول أركان المناعة النفسية هي استبصارك بقدراتك النفسية، يعني ببساطة كل واحد فينا له بصمة في الحياة، له اختلافات وقُدرات تميِّزه، كذلك في قدرتك النفسية مش كل حاجة غيرك بيقدر عليها أنت كمان تقدر عليها

ساعدوا بعض إن الحياة تبقى أسهل وأوضح، بلاش نصعبها على نفسنا ونخلي الغلط هو أسهل وأقرب الحلول.

ما حدش ممكن يركب على ضهرك غير لو انحنيت وسمحت له بده. 👏

مفيش ضحية مُغيَّبة بس فيه ضحية بتختار تغمِّي عينيها وتتغافل عن الأذى، وفيه ضحية بتتعلق بالأذى وبتستعذب دور الضحية وتستمر فيه لسنوات

‫ مشاعر الحقد والغل والحسد هي جزء من مشاعرنا الطبيعية، ومنتهى القوة إنك تعترف لنفسك بيها، إنت مش بتحقد عشان إنت شخص سيء، إنت بتحقد عشان بتقارن، مش عيب إنك تغير، العيب الحقيقي إنك تتحرك ورا المشاعر دي

القلق والتوتر من أكتر المشاعر المستترة اللي بتستمر من غير ما نحس بيها، وبعد فترة بتظهر لما بنحس بآثارها الضارة علينا.

اللحظة الحالية فيها منتهى الأمان، مهما كان فيها من وجع وألم في أسباب تخليك مرتاح وفي أسباب مخلياك مكمل.

‫ خليك دايمًا فاكر إن حياتك سلسلة من الاختيارات، كل اختيار بيسلّمك للي بعده، وكل اختيار خاطئ له تصحيح أو على الأقل مش هو الاختيار الأخير.

‫ أنت القائد والمسؤول الأول عن رسم صورتك واحترامها، اعرف احتياجاتك وعوايزك، واهتم بيهم علشان ميجيش حد من برَّا يحطّ رُتوش مشوهة ويقول لك دا أنت. الآخر بيشوفك بنظارته الخاصة، اللي كوِّنها من خبرته في الحياة،