اقتباسات مصطفى النحاس

إنت مش محتاج تتلون، إنت محتاج تقبل ألوانك الطبيعية الأول، وتعرفها وتقدر قيمتها، وعدل فيها اللي إنت عايزه لو شايفها محتاجة تطوير، بس خليك فاكر إنه تطوير وتغيير له تمن ومجهود هتبذله، مش مجرد قناع أو صورة وهمية هتعيش فيها.

كل حاجة صعبة عشتها ومريت بيها كوِّنت جزء منك، وكل جزء من نفسك وروحك ليهم قيمة ومعنى لو إنت قررت تشوفهم وتقدر قيمتهم.

وقت الغضب نفسه مش محتاج أكتر من تلاتين ثانية تفصل فيهم دماغك وتفكر في ٣ أسئلة، أنا حاسس بإيه دلوقتي؟ عشان تعرف مشاعرك، وحاسس بكدا ليه؟ عشان تفهم المحرك ورا غضبك دا اللي غالبًا هتلاقيه فكرة بسيطة من إحساسك بعدم التقدير أو إنك عايز حاجة اللي قدامك مش فاهمها أو إنك حاسس بالظلم، والسؤال التالت أعمل إيه عشان أحس أحسن؟ ودا القرار الأهم اللي محتاج تاخده عشان تخرج من زعلك

لو بتحلم بالنجاح اشغل نفسك بطريق النجاح وخطواته وبلاش تركز كتير على جوانب الطريق، ولو حاسس إن فيه ناس كتير بتدخل دايرتك تؤذيك يبقى عليك تراجع حدودك وتحميها وتعتزل ما يؤذيك.

اوعى تدي لنفسك مبررات تعيِّشك مسجون أو تعيش سنين من غير روح.. اكسر القيود وما تستناش المركب تغرق عشان تهرب منها عشان جايز ما تلحقاش.

إن الحاجة اللي مصدق فيها عن نفسي اللي قدامي بيشوفها زي ما أنا شايفها، واهتزاز الثقة في نفسي بيتشاف وبيتقرأ وبيكون أول مدخل للضغط عليَّا من اللي حواليا.

إنت بتشوف في المرايا اللي انت عارفه عن نفسك، مرايتك الحقيقية جوّاك.

مهما كان شغفك وحبك للحاجة، وارد تعدي عليك لحظات فتور. حوّط نفسك باللي بيساعدك تجدد حمّاسك.

الحب الحقيقي هو اللي بيطمّنك ويلبّي احتياجاتك النفسية، مش اللي يخليك عايش في حيرة وتساؤلات.

قد يكون أكبر إنجاز في يومك إنك قدرت تقوم تحاول وتكمّل معافرة.

‫ ما تسمحش لصوت الناقد الداخلي اللي جواك يساعد أي حد بيكسّر فيك.. ما توصمش نفسك وتصدّق بس السلبيات

❞ المواجهة مش لازم تكون صدامية ونتايجها خساير، ممكن تواجه بحب وبتراحم وتوصّل رسالتك. ❝

❞ أرجوك توقّف عن إلقاء التُهم على نفسك ومحاولة إثباتها، خليك رحيم بنفسك. ❝

❞ جايز إنت مش كتوم بس الدواير اللي حواليك مش شبهك ولا بتعرف تعبّر عن نفسك معاهم. ❝

❞ أغلب محتوى عطائك للمحيطين هي أشياء بتتمنى تيجي لك. ❝

❞ وانت عايش في مخاوفك اسأل نفسك إنت خايف من حاجة حقيقية موجودة ولا خايف من مجرد فكرة في دماغك. ❝

❞ من حقك تلاقي الشخص اللي بيبذل مجهود عشان يحافظ عليك. ❝

❞ لو مصدّق إنك تستحق الحب فقط لأفعالك وعطائك، هتعيش في دواير إرضاء الجميع.. من حقك تتحب عشانك ❝

❞ الحب الحقيقي هو اللي بيطمّنك ويلبّي احتياجاتك النفسية، مش اللي يخليك عايش في حيرة وتساؤلات. ❝

❞ نفسك مش سيئة ولا محتاجة عقاب، يمكن تكون محتاجة بس تتسند وتحس بالأمان. ❝