اقتباسات مصطفى النحاس

كل اللي بتمر بيه في اللحظة الحالية مؤقت، اِتعلّم تستمتع بالموجود، وما تزوّدش الحِمّل على نفسك.

ما تحاولش تداوي وجع الفقد بتسطيح علاقاتك.. وانت في وجعك محتاج ونس ودعم العلاقات القريبة.

كلمة بسيطة ممكن تطمن اللي قدامك، وكلمة ممكن تكسره وتسيب جرح جواه، خليك رحيم في اختيار كلماتك.

ما تنساش تعمل صيانة لروحك وتغذيها كل يوم ولو بأبسط الحاجات.

استقلالك النفسي واعتمادك على نفسك مش معناه إنك مستغني عن كل الناس، معناه إنك قادر تقلل احتياجاتك منهم، وتستمتع باللي بيجي لك مهما كان بسيط.

ما تستهونش بتأثير الكلمة الحلوة وما تبخلش بيها؛ الكلمة الحلوة هي مفتاح القلوب.

ما تستهونش بتأثير الكلمة الحلوة وما تبخلش بيها؛ الكلمة الحلوة هي مفتاح القلوب.

ما تستهونش بتأثير الكلمة الحلوة وما تبخلش بيها؛ الكلمة الحلوة هي مفتاح القلوب.

جايز الشخص ما يستحقش السماح، بس أنت تستحق تعيش في سلام من غير غضب متراكم جواك، سامح عشانك.

قبل ما تأتمن حد على سرك اتأكد الأول إنه أهل للأمانة.

الحقيقة إن وجودك وقيمتك مالهومش علاقة بحجم العطاء اللي بتقدمه، إنت موجود وقيم قبل عطائك وقبل ما تعمل أو تقدم أي حاجة، والأنانية مش هي حب الذات، الأنانية هي الحب المشوَّه للذات

محتاج تفتح عينيك وتبص برة الشاشة، تسمع وتحس بالطبيعة وتبص للسما، تشغل حواسك عشان تتعلم تستمتع وتعيش في تناغم مع الطبيعة، تاخد فرصة تتواصل مع اللي حواليك تحكوا القصص البسيطة وتتشاركوا الأحداث المهمة.

ما تاخدش معاك الشغل وتروَّح بيه، إنت بتشتغل عشان تعيش مش عايش عشان تشتغل.

اوعى تعيش في حرب وهمية ويكون التمن فيها خسارة نفسك، أي حد بتضحي عشانه النهاردة بكرامتك وبنفسك وبروحك بكرة مش هيكون موجود، هيبعد ويختار نفسه.

الحدود الواضحة هي الحماية الوحيدة لكل أشكال العلاقات، وهي الوسيلة الوحيدة للتخفيف من عبء الضغط المجتمعي من كل المحيطين.

مهما كانت أخطائك خليك رحيم بنفسك عشان تقدر تغيرها، وافتكر إن أي خطأ بتبالغ في لوم نفسك عليه بيزيد ويتفاقم، ومش بيقل غير لما تتعلم تقبل وتواجه نفسك برحمة وود.

إنت مش محتاج تتلون، إنت محتاج تقبل ألوانك الطبيعية الأول، وتعرفها وتقدر قيمتها، وعدل فيها اللي إنت عايزه لو شايفها محتاجة تطوير، بس خليك فاكر إنه تطوير وتغيير له تمن ومجهود هتبذله، مش مجرد قناع أو صورة وهمية هتعيش فيها.

كل حاجة صعبة عشتها ومريت بيها كوِّنت جزء منك، وكل جزء من نفسك وروحك ليهم قيمة ومعنى لو إنت قررت تشوفهم وتقدر قيمتهم.

وقت الغضب نفسه مش محتاج أكتر من تلاتين ثانية تفصل فيهم دماغك وتفكر في ٣ أسئلة، أنا حاسس بإيه دلوقتي؟ عشان تعرف مشاعرك، وحاسس بكدا ليه؟ عشان تفهم المحرك ورا غضبك دا اللي غالبًا هتلاقيه فكرة بسيطة من إحساسك بعدم التقدير أو إنك عايز حاجة اللي قدامك مش فاهمها أو إنك حاسس بالظلم، والسؤال التالت أعمل إيه عشان أحس أحسن؟ ودا القرار الأهم اللي محتاج تاخده عشان تخرج من زعلك

لو بتحلم بالنجاح اشغل نفسك بطريق النجاح وخطواته وبلاش تركز كتير على جوانب الطريق، ولو حاسس إن فيه ناس كتير بتدخل دايرتك تؤذيك يبقى عليك تراجع حدودك وتحميها وتعتزل ما يؤذيك.