الشريك المناسب هو اللي بحس معاه إني شبعان، ممتلئ ومكتفي، قادر أشوف نفسي في ضعفي معاه، قادر أبان قدامه بكل تفاصيلي من غير خجل ولا إحساس بالذنب أو الخزي والعار.. الشريك المناسب هو اللي تحس معاه بالأمان وإنك متطمن لغيابه زي حضوره، واللي مش بيخليك تسأل نفسك كتير هو أنا في المكان الصح ولَّا أنا محتاج أهرب وأخرج من العلاقة دي فورًا.. والشريك المناسب مش بنقابله كل يوم، بس وجوده بيفرق وبيسيب علامة جواك بتخليك تحس إنه الأنسب لمجرد إن بالك مرتاح ومتطمن.