كل توقعاتي من الرواية اتدمرت من بدايتها 😳
يعني كنت متوقعه اني هلاقي رواية عن كاتبه عندها مشكله ف رواية جديدة وبتحاول تدور علي نص جديد تكتبه وتنجح .. والنهاية 😌
لكن الرواية مش كده ابدا
بتبدا الرواية مع كاتبة .. وأم
كاتبة شاطرة وناجحه في عالم الكتابة ، لكنها بتعاني في عالم الحقيقة ..
بس بعد النجاح الكبير اللي حققته .. فجأة.. افكارها وخيالها بتقف !
وبتضطر تعيش ف الواقع بس عشان تاخد منه فكرة لروايتها الجديدة وتعيش فيها ف عالم الخيال
بس بتتصدم بانها كاتبة عندها وصفة للكتابة ، بدون وصفة للأمومة 💔..،
الرواية بتكسر تابوهات كتير .. عن الحب ، الصداقة ، الأمومة ، العلاج النفسي ، وهسيبكم تكتشفوا الباقي بنفسكم 😎
الرواية فيها نصايح للكتابة ، للتعبير ، تأملات احيانا .. داخلة ف النص بطريقة سلسة و جميلة متحسهاش نصايح من بساطتها 🧡
عتابي علي الرواية اني كنت مستنية اعرف اكتر عن معاناة الامومة .. لية البطلة واجهة صعوبة في كونها ام .. دا ظهر في فلاش باك .. لكن كنت مستنية يتخصصلة جزء اكبر بما اننا تأثرنا بيها خلاص🧡
النهاية جت واقعية ولكن متفائلة .. حبيت دا .. انا بحب النهايات الحلوة السعيدة♥️.. مهو مش هتبقي واقع وروايات سوداويين 🤦♀️
الفصلين بتوع الختام كان نفسي اسربهم بصراحه ..
هسرب بس انهم رد جميل عن كلمه النشر دا مجاملة لأصحاب الشلل والتجمعات .. والناس اللي بتقحم نفسها بالغصب على الكتاب ، لعلهم ياخدوا الفرصة اللي في نظرهم انها مش متاحة ليهم
انا بجد قمت اسقف في نهاية الفصل دا
اول رواية في التحدي تستاهل ٩ من ١٠🧡🧡
#monny_reads