چنرال سابق غاوى صيد كان بيدور على فريسة مش سهلة له

أصل الموضوع بقى ممل شويتين

اتعود عليه

كان محتاج تجديد

لازم يدور على فريسة جديدة بتتمتع بالشجاعة والمكر وفى نفس الوقت يبقى عندها القدرة على التفكير

هو مش اللى بيميز الإنسان عن الحيوان التفكير

يبقى ازاى فريسته هتبقى حيوان ده شىء غريب

ولا يمكن ده كائن جديد 🤔اخترعه الجنرال القوزاقى " زاروف" وقرر يطبق هوايته عليه 🤷‍♀️

معقول يكون قصدك …. بس ده مايبقاش صيد ده اسمه " قتل " ولا ايه

لأ ده نوع جديد من الإثارة استمتع بس أنت به

ماكنش متصور البحار " رينزفرد " اللى الجنرال بيتكلم عليه ولعن اليوم اللى البحر وقعه فى طريق الجزيرة ديه مع شوية مختلين

بالرغم أنه هو كمان ماهر فى الصيد وعنده كتاب اتكلم فيه عليه لكن الوضع اتغير لما عرض عليه الجنرال عرضه الغريب

ياترى العرض ايه 🤷‍♀️

نوفيلا كانت ممتعة بالنسبة ليا بالرغم من عدد صفحاتها القليل جدا إلا أنك هتبقى مشدود لكل تفصيلة فى عملية الصيد..

رواية بتتكلم عن فئة من أصحاب النفوذ وهوسهم اللى بيتخلوا عن آدميتهم فى سبيل متعتهم وكأن الكون مسخر لخدمتهم… ومن جهة تانية بتتكلم عن ثقة الإنسان بنفسه ومهاراته وازاى فى الأزمة ما يتخلاش عنها وما يضعفش ويفكر صح وما يتوترش ولا ييأسش. اختيار عشوائي فى القراءة بس كان موفق جدًا بالنسبة ليا 👌