استمتعت بقراية الرواية، فيها تفاصيل وتوصيف ممتع، السرد فيه استرسال حلو، تسلسل الاحداث والتحولات الواقعية واظهار الوضع الاجتماعي اللي بين بالرواية من خلال السرد والتحول اللي صار للعائلة وكيف هي اكتشفت معاناة الناس الاقل حظ بالتحولات اللي صارت في حياتها متزامنة مع التحولات السياسية، وهي كاتبتها كأنها سيرة ذاتية او سرد حياة من منظور فيوليتا نفسها ف مافيه محادثات او تعقيدات وكل الشخصيات تدور حولها، قريتها بفترة قصيرة نسبيا يعني اسبوع بس بهدوء ورواقه وفعلا من الروايات اللي تستمع فيها بدون الحماس القاتل عشان تشوف وش صار يعني فيها حماس خفيف باللي يكفي انك تكملها للاخير. بس اشغلني طول الرواية انها ماذكرت الدولة اللي تعيش فيها البطلة!! ذكرت كل الدول المجاورة والدول اللي سافرت لها بس ماذكرت اسم دولتها! احترت بين الارجنتين والبرازيل بس ممكن تكون غيرها ماعندي خلفية عن دول امريكا الجنوبية. هذي ثالث رواية اقراها من الادب اللاتيني بعد مئة عام من العزلة و شجرتي شجرة البرتقال الرائعة.