قبل الحرق ( تقدر تقراء بأمان)
بسم الله وماشاء الله 🩵
الكتاب يتكلم عن مريض صرع وذُهان
استيقظ بمفرده بالبيت وهو عنده جثة امه بالبيت مقتوله.
ماكان يعرف وش حصل خلال هالساعتين هذي
كل مسرح الجريمة يُدينه ويرفع اصابع الاتهام له
ولكن ! عزاءه الوحيد انه لسى مايتذكر وش صار ابداً.
ويدخل في سلسلة من الاحداث يحاول فيها استعادة وش صار وذاكرته .. وتحسر انه ما يتذكر ..
هل انت معاه تبحث عن براءته او لا ؟ ..
الكاتبه هنا تناقش شي جداً غريب هل لو كنت تستمع لأفكار مريض نفسي ولنفترض مثلاً انه قام بالجريمة هل بتسامحه او بتلقى له عذر؟
كتاب جداً ممتع وابدعت جداً بسرد افكاره
كل الروايه من منظوره الشخصي ومن داخل دماغه.
بتعصف بك الامور في منتصف الروايه بتصير مشتت هل هو الي فعلها ؟ طيب ليه ما يسلم نفسه وبيطلع براءه لانه مريض نفسي معذور
او فعلها مع سبق الاصرار ؟ ..
او احد آخر؟ هل متآمرين ضده ؟ …
هل هم انتحرو ؟ هل الجريمتين لهم علاقه فيه؟ ..
ارشحها جداً لاي احد يبي يحلل ويبي قصة جريمة من النوع النفسي .
تلميح : حاول تركز على شخصيته وبأيش يتم وصفها ويصف نفسه والاخرين حوله كيف يوصفونه…
وايش اهدافه من كل شي يبي يسويه وحبه …
تقييم ( حرق ) ‼️‼️‼️‼️..
رواية اجواءها فعلا تحسسك بمشاعر جداً كثيرة
استغراب وتشوق ولهفة
مرة مع يو جين ومرة ضده .. ما عاد تعرف من ذكرياته وش هو الحقيقي ووش الي مرضه الذُهان صوره له وخلاه يختلقه ..
ولكن فيه خيوط وتلميحات الكاتبة بتعلمك عنها للامانة ما صدتها هههههه 🤣 عطيتك تلميح فوق يساعدك
فيه تناقضات شوي بالرواية حسيت ياليت تم الاجابة عنها ولكن ماتم الاجابة
يعني كنا نحتاج ذكريات اكثر من الاطراف الاخرين عشان تساعدنا نقرر ولكن بما انك داخل عقله وهو قرر انهم يتآمرون عليه فأنت بتصدقه..
يو جين ماكان غبي هو استعاد شخصيته السايكوباثيه قُرب نهايه الكتاب ..
بعدين تكتشف انك انت ايها القارئ المريض ههههههه لان ليه قاعد تدور ادلة براءة لشخص قَتل ٦ افراد ..
هل لأنه بس مريض بتغفر له ؟ بتدور له تبريرات؟
طيب لو كان خطط لهم واحد واحد وش بيكون موقفك له؟ ..
بتتغير نظرتك له تماماً بعد رحمة وشفقة وشخص منبوذ من امه وغير محبب الى شخص حقير وذكي مع الاسف ..
النهايه جداً محزنه .. جداً يلعب فيك ويخدعك .. ترحمه وتنبذه بنفس الوقت…
جدا ممتعة