"هل كلنا نقدر نواجه نفسنا… ولا في أبواب لازم تفضل مقفولة؟"

اسم الكتاب: الباب رقم صفر (العين الثالثه)

الكاتبه: بدر رمضان

الدار: ابداع للنشر والتوزيع

عدد الصفحات: 259

التصنيف: رعب نفسي

نبذة :

الرواية بتدور حوالين مجموعة أشخاص بيلاقوا باب… في مكان المفروض إن مفيش فيه باب أصلاً!

وأول ما بيقربوا منه ويفتحوه، بيدخلوا عالم غريب جدًا…

عالم مش بس مرعب، لكن كمان بيجبرهم يواجهوا نفسهم…

أعمق مخاوفهم… أوجاعهم… والحاجات اللي طول عمرهم بيهربوا منها.

والسؤال هنا:

هل المواجهة ممكن تنقذهم؟

ولا ممكن تكون السبب في ضياعهم للأبد؟

رأيي الشخصي في الرواية:

الرواية دي مش مجرد رعب… دي تجربة نفسية كاملة!

أكتر حاجة شدتني فعلًا إن كل شخصية كانت بتواجه مصيرها… الحاجة اللي هربت منها في عالمها الحقيقي، لقتها قدامها هنا ومفيش مهرب!

السرد كان تحفه و سلس جدًا لدرجة إنك بتحسي الأحداث بتحصل قدام عينيك، وده خلاني أندمج جدًا مع كل مشهد.

وفي لحظات كتير، الرعب اللي كانت الشخصيات حاساه… اتنقل ليا أنا شخصيًا!

الحبكة كانت متماسكة وجذابة، وكل تفصيلة ليها معنى…

والأجمل إن الرواية غاصت جوه النفس البشرية بشكل عميق جدًا

تقييمي:

5/5 ⭐

اقتباس اعجبني:

❞ الفراغ أخطر من الرعب، لأن الخاوي لا يخشى شيئًا، وذلك لأنه يعرف… أن ما في الخارج، ليس أفظع مما في داخله، ❝

‏