#تقى_سرور

مجموعة قصصية: مَعها

للكاتبة: فاطمة العوا

التقييم: ⭐⭐⭐⭐⭐

الأم هي أساس البيت، هي أساس الحياة منها يكون البداية لعالم واسع نرى فيها غير ما نرى في أحضانها من الدفء والحنية والدعم والحب، دايما بتهتم براحتنا حتى لو عكس راحتها المهم تشوفنا مبسوطين، حبها مش مشروط مهما عملتي هتفصل تحبك زي ما انتي عشان إنتِ بالنسبالها

"الجوهرة الخاصة اللي مش هتسمح لحد ياخدها ولا يلمسها غيرها عشان إنتِ اللي بتخليها متطمنة" ♥

كل ما الزمن بيتقدم بينا ونلاقي الشيب مليان في شعرها بنعرف إنها كبرت أوي وممكن تقرب تسيبنا وبنعرف إن الرحلة طلعت طويلة أوي ومليانة أحداث كتيرة بس محسناش بيها عشان قلبها ووجودها ماكنوش محسسنا بالوقت ولا بإي حدث وحش ♥

هي جنة الله على الأرض، اللي هتفضل الدعم والآمان دايما، حتى ف وقت ما يكون في بينا خلاف بنروح لحضنها عشان عارفين إنها مش هتحب حد اكتر مننا وإن الحنان اللي جوا روحها بيفضل زي ما هوا مش بيقل ولا بيروح..

هي المصدر لكل الحنان والدفء في البيت وبتخليه منور عشان هي بس قادرة بفضل الله تمشيه بحبها وتسهليها للأمور ♥

مهما يطول بينا العمر ونكون إحنا مكان الأم في اسرتنا ورحلتنا الخاصة، هنفضل فاكرين كل الذكريات اللي جمعتنا بأحن وقت عدى وهي كانت فيه ونبتسم عشان مش بإيدينا غير إننا نفتكر وبس، استحملت كتير أوي عشان نكون مرتاحين، حتى لو عارفة إن وقت وفاتها اقترب بتفضل شاغلة بالها بينا من ناحية مستقبلنا وحياتنا وبتوفرلنا كل اللي نحتاجو حتى لو أخر فرصة ليها في الحياة نعيشها دقيقة واحدة ♥

أنا مبسوطة بالمجموعة القصصية جدًا، والرحلة كانت ممتعة بشكل لا يوصف ومُبكية في بعض الأحيان، محستش بوقتي معاها خالص من سلاسة الأفكار والسرد على الرغم مش بحب العامية في الكتب أوي ع عكس الفصحى لكن العامية هنا مكنتاش مبتذلة وكانت أقرب لإنها توصل للقلب أسرع بكتيير من الفصحى لو اتعملت في المجموعة دي وعشان كدا وصلني كل معنى جميل محطوط فيه بعناية ♥

أول قراءة ليا للكاتبة، ومش الأخيرة أكيد، شكرًا ليكِ على الرحلة الجميلة أوي دي وعلى جمال الكتاب والمعاني الجميلة اللي وضعتيها فيه بالجمال دا ♥

يستحق القراءة بلا شك 🌷