باب_السوق.. مش مجرد باب للدخول و الخروج

هو عدسة.. عين بتاخدك جوا السوق وتجبرك تشوف الإنعكاس الصاخب للحياة

في السوق صعب تسمع صوتك.. لكن هتسمع وتشوف كتيييير

كل شۍ تحت العرض والطلب النفوس.. الأعمار.. الأحلام

باب السوق مفتوح للهروب سهل تمشي أو ترفض أو تختار

لكن هتلاقي نفسك مربوط بثقل مش فاهمه..

ثقل الحاجة للنجاة.. الطمع في الوجود... عبء إنك تكون واحد من المعروض حاطط روحك عالميزان وبتساوم.

مشدود بخيط مخفي جواك ومحكوم بقوانين السوق اللي بتقولك إن الخروج أخف مما تحتمل وأكثر مما تجرؤ عليه.

في السوق.. هتقابل المتردد المهزوم اللي بتكابر المتعجرف وحتى المقتول

أشخاص وجودهم في العمق في خلفية الصورة مش معناه إنهم على الهامش بالعكس هم في القلب من كل الأحداث الهامشية اللي بيجعجع بيها العالم صبح وليل.

في السوق لكل واحد نصيب وميراث.. ميراث من الاستسلام و ميراث من الإختيار.

باب_السوق تجربة قراءة بتفتح عينيك على الدنيا وتفكر ياترى قابلت عاطف.. شفت عفيفي.. عديت على أم حبيبة وشربت شاي على نصبة عيدة..

بعت واشتريت

كسبت وخسرت

ضحكت وبكيت

سدد ديون السوق علشان تعيش مرتاح.