أنا كنت متحمسة لرواية باب السوق من أول ما الغلاف نزل، خصوصًا إنها للكاتب كمال علي كمال، وكنت منتظراها بحماس وحابة أعرف هتقدّم إيه.
الرواية بتاخدنا في جولة داخل السوق، المكان اللي بيجمع ناس كتير بطباع مختلفة وحكايات متشابكة. بنتعرف على أصحاب السوق وأسرارهم وماضيهم، وبنشوف نماذج متنوعة من البشر، وازاي مكان واحد ممكن يجمع كل التناقضات دي.
السوق في الرواية مش مجرد مكان، لكنه عالم كامل مليان حكايات مخفية ونفوس مختلفة، وكل شخصية ليها ظروفها اللي وصلتها للمكان ده، سواء كان باختيارها أو غصب عنها.
اللغة كانت بسيطة وقريبة من الواقع، وفيها مزج بين الفصحى والعامية على لسان الشخصيات، وده خلّى القراءة سهلة وسلسة. والأحداث كانت متماسكة وفيها شوية غموض بسيط بيتكشف مع النهاية.
الرواية قصيرة نسبيًا، لكنها مليانة شخصيات وأفكار، وكانت تجربة قراءة حلوة
