نبذة بسيطة عن العمل.. بعد رحلة شمياطس ١ والنهاية الصادمة.. يأتي الكاتب بالجزء الثاني من قرية العجائب شمياطس..

مع بطلنا الطفل جبر بنشوف ازاي بيبدأ رحلته من قريته لقرية شمياطس.. لأسباب لا داعي لذكرها من أجل الحرق فقط لا غير..

وبنقابل الشخصية الي كانت معانا من الجزء الاول.. حسان.. وهو جد جبر

بنشوف قدرات الراجل دا وصلت لحد فين .. ايه ممكن يعمله .. ومين بيساعده .. كذلك جبر الي وجد نفسه بدون إرادة.. رايح لسكة جده الي متاعبها كتير..

على الرغم من كون الرعب الشرقي ملعبه ضيق إلا أن الرواية فعلا فيها ابتكار وتجريب لعدم الملل..

سرد قوي متماسك .. يعرض لك مشاهد القرية.. مشاهد السحر والأعمال.. مشاهد الكوابيس الغريبة.

وكل دا بوصف يخليك حاضر مع النص بكل وعيك..

طبعا طبعاااا مشاهد الرعب لا غبار عليها وفعلا في مشهد او اتنين متاكد انهم هيسببوا ازعاج لناس كتير (ودي حاجة تحسب جدا للكاتب)

الشخصيات زي جبر وحسان ليهم بناء ومبررات و تصاعد درامي نفسي وافتكرني في النهاية.. هما مش مجرد شخصيات جوا رواية لا هما ليهم بناء درامي وتاريخي قوي جعل منهم شخصيات من لحم ودم..

ومش هقدر انسى قوة الحوار (الصعيدي) في العمل دا يا جماعة لانه من اقوى جوانب النص الي هتخليك تنغمس جوا الأجواء..

نهاية الرواية فيها كذا صدمة .. كذا مفاجأة.. نهاية انتقامية مرعبة خدت وقتها جداااا عشان تكتمل وتتقدم للقارئ بدون ربكة ..

الرواية فعلا متعوب عليها مش مجرد كلام ومجهود الكاتب ظاهر في النص اي حد بيقرأ هيلاحظ الاهتمام بالتفاصيل.. وتصميم مشاهد الرعب.. والسحر وتقديم شخصيات قوية .

ف رواية شمياطس الجزء الثاني بين قوسين الشيخ الاعرج رواية رعب شرقي مختلفة .. ممتعة .. بكل تأكيد مخيفة او غير مريحة

ارشحها بقوة 💀💀