رواية نفسية بتشتغل على الإحساس أكتر ما بتشتغل على الحدث.
من أول الصفحات بتحسي إن في حاجة مش مريحة، إحساس غامض كده بيكبر مع كل فصل، من غير ما الرواية تكشف أوراقها بدري.
كل صفحة بتشدك اكتر وانت مش قادر تثق في اي حد… حتي البطلة نفسها.
القوة الحقيقية هنا في البناء النفسي للشخصيات، خصوصًا
البطلة.
سردها بيخليك دايمًا متردد هل اللي بتحسه صح وحقيقي ؟ ولا مجرد أوهام وخوف من صدمة البطلة مرت بيها زمان ؟
الأحداث بتتقدم بهدوء محسوب، مفيش استعجال، لكن في نفس الوقت مفيش ملل.
كل تفصيلة صغيرة ليها معنى، وكل حوار متكتب بعناية يخدم الجو العام للرواية.
الحبكة نفسية، مظلمة.
اللغة بسيطة وسلسة، والكاتبة نجحت تخلق حالة توتر نفسي مستمر.
💥اما النهاية فأنا كنت متوقعة احسن من كده، النهاية مستفزة جدا، شايفة انها كانت ممكن تتكتب احسن من كده بكتير.
💥في ثغرات طبية واضحة في الرواية، خصوصًا لو القارئ/ة عنده خلفية طبية أو طبيب سيستفز، زي كده وده اللي وقع التقيم جامد بالنسبالي.(من النقاط المستفزة في الرواية عدم دقة دور الطب الشرعي في تفسير ما حدث أليكس)
