من أول صفحة والرواية قدرت تشدني لعالمها بسلاسة. السرد ممتع، الحوار طبيعي، واللغة قريبة من القلب من غير تكلف. العمل بيلمس أجواء الصعيد وبعض المعتقدات المرتبطة بيه بطريقة مشوقة من غير ما يفقد واقعيته أو روحه.
أكثر حاجة استمتعت بيها كانت حالة النوستالجيا الحاضرة في التفاصيل، مع لمسة معاصرة موفقة خلت الأحداث قريبة من القارئ.
المدهش بقى إن دي أول رواية للكاتبة، ومع ذلك مكتوبة بثقة ونضج واضح. ورغم معرفتي الطويلة بيها، اندمجت لدرجة إني نسيت إنها صاحبة الرواية أصلًا!
من غير ما أحرق الأحداث، أقدر أقول إنها رواية مشوقة، وفي نفس الوقت بتفتح باب للتفكير… أرشحها لأي حد نفسه في قراءة مختلفة تاخده لعالم غامض لكنه قريب من واقعنا.
ومستنية الرواية الجاية بقى 👀 ويا رب ما تخلّيناش نستنى ٧ سنين كمان 😄