بنقول دايما ان النسيان نعمه من ربنا بس لو قاتل متسلسل جاله زهايمر و خرف و نسى كل جرائمه نعمه ولا عقاب؟

#المعرض_قبل_المعرض_في_الفنجان

اسم الكتاب📚 : مذكرات قاتل

دار النشر🏫: صفصافه

وسيلة القراءة📱: e على ابجد

نبذة📝:

قاتل متسلسل فى ال70 من عمره يدعى كيم بيونج سو بيتشخص بحالة زهايمر و خرف

بيقرر انه يكتب مذكراته و كل حاجه ليها علاقه بالجرائم اللى ارتكبها قبل ما ينسى

و بيكتب عن اول جريمه قتل ارتكبها و هى قتله لوالده علشان كان بيعنف امه و اخته

كيم بيونج سو كان عايش مع بنته اونهى و لكن حياتهم بتتقلب بعد ما بيدخل حياتها شخص عايز يتجوزها و لكن كيم بيشك انه الشخص ده قاتل متسلسل و عايز يقتل بنته

فا كيم هيعمل ايه ؟ و الزهايمر اللى عنده هيأثر لاى مدى على عقله؟

رايى📄:

انا بحب الادب الكورى جدا جدا و بجد هو مختلف عن اى نوع ادب تانى

الروايه قصتها مختلفه و صغيره جدا محستش بالملل خالص و مش محتاجه انى اقول ان الترجمه ممتازه بلا اى تعقد

و طبعا النهايه مكانتش متوقعه بالنسبالى لاحد اخر لحظه

تقييمى :5 من 5 🌟🌟🌟🌟🌟