تخيل لو كنت فى مجتمع مفيش فيه فرصه للخطأ و كل حاجه محسوبه

#المعرض_قبل_المعرض_في_الفنجان

اسم الكتاب📚 : المانح للويس لورى

دار النشر🏫: الخان

وسيلة القراءة📱: e على ابجد

نبذة📝:

بيبدأ الكتاب ب جوناس و هو راكب دراجته و بتحلق طائره بشكل قريب اوى فوق راسه

كل سكان المجتمع بيحسوا بالخوف و بيجى صوت من المذياع ينبهم ان كل اللى بيعمل حاجه يسبها و يجروا على اقرب بناء و يستخبوا فيه لحد ما الطائره دى تعدى

و بعد ما عدت بيقولهم المذياع ان الطائره دى الطيار بتاعها ضل الطريق و طار على ارتفاع منخفض و انه بسبب الخطأ ده تم تسريحه

و بعد انتهاء اليوم الدراسى لجوناس بيروح بيته و اثناء جلسة (الافصاح عن المشاعر) احد الطقوس العائلية للمجتمع اللى كل شخص فيها بيبدأ يحكى مشاعره و يحللوها مع بعض بيحكى جوناس عن مشاعره و الخوف اللى حس بيه و اثناء احدى الجلسات دى بيعترف جوناس انه حاسس بتوجس لان مراسم ابناء الاثنى عشر قربت و دى مراسم بيتم فيها اختيار مهنة المستقبليه اللى هيبدأ فيها التدريب

رايى📄:

الروايه ممتعه جدا فى الاول بتشدك بسؤال ايه هو المجتمع ده و ايه الحياه دى و ليه اصلا بيقعدوا مع بعض كاعائلة و يحللو مشاعر بعض و يحللوا احلام بعض و يعنى ايه تسريح و ايه مراسم ابناء الاثنى عشر

و بعدين بيفهمك كل حاجه و مع كل معلومه بتفهمها عن المجتمع ده بتحس بصدمه اكبر و اكبر

و ده شدنى طبعا انى اقرا الجزء التانى 🥰

الترجمه ممتازه كأنها روايه باللغه العربيه مش مترجمه

تقييمى :5 من 5 🌟🌟🌟🌟🌟