#ما_وراء_كورالاين

انتهيت من قراءة أولى روايات العام الجديد ، كورالاين لنيل غايمان المصنفة ضمن أدب الأطفال رغم انها بنسبالي بعيدة كل البعد عن ذلك .

قرأت ريفيوهات كتير عن الرواية وناس كتير مش واخدة بالها من الرمزيات السرية في الرواية ، وكتير معتبرينها مجرد رواية للأطفال كتبهل غايمان لبنته عن كورالاين اللي بتستكشف عالم خيالي

فتعالوا نبحر شوية في رمزياتها السرية

#الرمزية_الأولى

فكرة حرب الروتين ، كام مرة بنقع في فخ الروتين وبنكون عاوزين نهرب منه ( استيقاظ - أكل - شغل - ملل - نوم ) ( استيقاظ - أكل - شغل - ملل - نوم ) ، فبيظهر عالم خيالي ملون مغري فيه كل القصص الخيالية حقيقة ،

ومععع ذلللللك ، تختار كورالاين الحياة الرتيبة المملة بر الأمان ليها وقد ايه اللي كانت بتتمنها هو خطر عليها ( رغم جماله )

#لو_علمتم_الغيب_لاخترتم_الواقع

في إسقاط قوي جدا ان مش كل اللي تتمناه مهما كان حلو خارجيا هو مفيد داخليا ليك

#الرمزية_الثانية

محدش تطرق خالص ان دا ممكن يكون عالم خيالي في عقل كورالاين فقط ، وإنها خلقت كل دا عشان تهرب من آلامها الداخلية اللي متذكرتش ( إهمال الأب ) ( لا مبالاة الأم ) ( قصص الجيران المملة ) وبيختتم العالم دا بموت الأطفال ، كدليل ان مهما سبت الطفل لخياله ولحياته هو ميت بدونك ، مهما حصل هيعوز أهله في حياته وكلامهم حتى لو هو بيحب الوحدة

#الرمزية_الثالثة

إهمال الأهل موت للطفل ، وبانت في أخر الرواية ان حتى لما اللغز اتحل باقي الأطفال ماتوا بردو ، عشان معندهمش ملجأ يرجعوله

الرواية كمان في رسم للشخصيات قوي جدا ، ومشاهد مرعبة غير مناسبة لأدب الأطفال تماما

رواية كورالاين مناسبة للأطفال من سن ٧ لحد ٤٠

رواية كورالاين التقييم النهائي : ⭐️⭐️⭐️¾ / 5