#عالم_اسامة_علام_الروائي_في_الفنجان

#مسابقات_فنجان_قهوة_وكتاب

#فنجان_قهوة_وكتاب

لو عايزين رحلة خيالية مش عادية، وأنتم قاعدين في مكانكم، الكتاب ده هياخدكم في الحته دي "طريق متسع لشخص وحيد" للدكتور أسامة علام، اللي هو طبيب بيطري مصري-كندي، وكاتب مبدع بيمزج الواقع بالخيال زي السحر.

تخيل إنك في نيويورك، المدينة اللي بتكره الجميع بس بتحبها في الوقت نفسه، أو في القاهرة اللي كل حاجة فيها ممكنة إلا الملل الكتاب عبارة عن مجموعة قصص قصيرة، 12 مدينة حول العالم من نيويورك لباريس لمونتريال للقاهرة، وكل واحدة بتحكي عن الوحدة، الترحال، والسحر اللي في الحياة اليومية. مش بس أدب رحلات ده مزيج من تأملات فلسفية لمسات فانتازيا، وحكايات عن ناس وحيوانات بتخليك تفكر في الحياة بشكل جديد.

اللي عجبني فيه الإبداع اللي مش عادي يعني تخيل إنك بتقابل فأر في مكتبة وبتصاحبه، أو فيل بيرد على أغانيك أسامة علام بيحول اللحظات العادية لقصص ساحرة، زي لو كنت بتشوف فيديو تيك توك بس مع عمق فلسفي الوحدة في المدن الكبيرة والغربة والحنين للوطن بس مش بطريقة حزينة، ده بيخليك تشعر بالدفء والأمل خاصة لو أنت شخص بتحب تسافر لوحدك أو بتعيش في الخارج.

اللغة السهلة والشيقة مش كتاب صعب، ده زي حوار مع صاحبك، بس مع رسومات جميلة قبل كل مدينة تخليك تدخل الجو فورًا هي مش قصص تقليدية، ده مزج بين الواقع والخيال وشكرًا 🤝😃