«كل امرأة في هذا السجن تحمل حكاية لو رُويت كاملة، لغيّرت شكل العالم.»
الرواية عن زيبا و هي ست #أفغانية عادية يعني زوجة و ام عايشة حياة بسيطة و هادية نسبيًا..
فجأة حياتها كلها بتتغير و تتقلب رأسًا على عقب لما جوزها كمال بيتقتل و هي متهمة بقتله!!
بتتسجن و اثناء انتظارها للمحاكمة بتتعرف على مجموعة ستات و بنات مسجونات و لكل واحدة منهم حكاية مليانة معاناة و ظلم تعكس واقع الستات في مجتمع مقفول زي المجتمع الأفغاني..
زيبا اكيد نفسها تطلع براءة و ترجع لولادها بس احساسها كأم بيمنعها تقول اي حاجة حصلت في اليوم اللي اتقتل فيه جوزها.. يا ترى ايه اللي حصل!! و ده اللي بيحاول يكتشفه يوسف المحامٍي اللي ماسك قضيته و هو شاب أفغاني-أمريكي رجع يشتغل في أفغانستان عشان حس ان ده واجبه ناحية وطنه ،، لكن بيصطدم بتناقضات القانون، والتقاليد الصعبة للمجتمع المقفول،، ويكتشف أن إثبات البراءة أصعب بكتير من الجريمة نفسها!!
الرواية لا تقتصر على جريمة قتل بس لكنها مليانة تفاصيل مؤلمة و عميقة و علاقات انسانية معقدة من واقع المجتمع..
الرواية فعلا جميلة و صادقة تخليك تحمد ربنا على واقعك و تحس باللي غيرك عايشه...