شكلها هتكون أكتر من ٣ أعداد، مع نهاية العدد التاني اللي كانت نهايته بتزعل كل اللي اتعلق بالشخصيات، قلت لازم أشوف الجاي هيكون على إيه ومين، وبالفعل بدأت القراءة في العدد التالت على طول...

اللي بيميز العدد دة عن كل عدد وبالأكتر هي اللغة، حتى دخلت شوية كلمات ومصطلحات قديمة واتحطلها هامش من الكاتبة، وبيبين قد إيه هي بذلت مجهود في الكتابة والبحث، اللغة كانت عاملة دور مثالي.

فكرة التحديات اللي قابلت شاشناق كانت مربكة جدا، حتى لو جربت تتوقع أحداث في ما هو سابق عن العدد دة فخليك عارف أن العدد دة هيتخطى تفكيرك وتوقعاتك، حقيقي متوقعتش أي حاجة في الأحداث ولا حاولت أتفزلك بحدث ممكن يحصل، كل الأحداث هادية في الكتابة بس هي بتولع حرفيًا في الحقيقة!

بداية الحكاية كمان كانت كمية ندم رهيبة من شاشناق وأنا يقول ياخي ما كنت اتهديت في مكانك بدل المرمطة، ودة لو هيدل على شيء في الواقع، فهو الشخص الأهوج الأرعن المتسرع، كان مشهده وهو بيلم حاجته ويمشي مأثر فيا، خصوصًا أن علاقتي بالشخصيات كان متوضطة خلاص بعد تاني عدد😅.

واديني مستنية جديد الكاتب في السلسلة علشان أعيش معاهم تاني وتاني.

الجزء الفكاهي اللي كان بيتحط حلو اوي، ومكانه كان مناسب.

تقريبًا الشخصيات مكانتش كتيرة عن هدف المحور الأساسي في العدد، ودة خلى الحبكة تكون مختلفة وقوية، مفيش صراعات كتير ما بين الشخصيات، مفيش غير شاشناق الوحيد اللي شغال ياخد على دماغه من الجنيّات، كل ما يفتكر أن خلاص هو وصل للي عايزه بياخد اللي فيه النصيب ويكمل معافرة.

الحكاية المرة دي كانت مليانة ألغاز وحوارات من الجنيات كتير، جننتوني معاكم ياشخصيات...

كل عدد وأنتم طيبين، خلصت السلسلة في سنتين😂♥️♥️♥️♥️♥️

#ورد_الحكاوي_3_جريرة_العاشق

#فنجان_ومراجعة_سلسلة_ورد_الحكاوي

#كتوبيا_للنشر_والتوزيع

#مسابقات_فنجان_قهوة_وكتاب

#إيمان_الدواخلي