رواية أشباح الموالد
رواية جديدة ومختلفة ومميزة دخلتنا فيها شيرين هنائي لعالم الموالد الأجواء، الأصوات ،الطقوس والمعتقدات اللي كلنا بنشوفها من بعيد بس أغلبنا ما يعرفش عنها كتير
شدتني كم المعلومات عن العالم ده قدمتها شيرين بكل سلاسة بدون ملل الوصف كان قوي حسيت إني سامعه الأصوات و حسيت بالزحمه وشايفه قدامي اللي بيحصل
كان في جو في الرواية كدا جميل
روايه خلتني أستمتع و أتعرف على عالم كنت أعرف عنه القليل جدا وخرجت منها بإحساس مختلف عن الموالد.
ومبسوطة قوي إن سهير يكون ليها رواية هي بطلتها لوحدها لأنها المفضلة عندي
الحلقات كمان اللي نزلت قبل الرواية كانت تمهيد موفق ولطيف وساعدتني أندمج مع الأجواء واسمع الرواية وأنا بقراها ورجعت اسمع الحلقات تاني