ألعاب الموت صدرت :سنة 2024

عدد الصفحات :202 صفحة.

الفكرة الأساسية: بطل الرواية ناقد ألعاب بيقع في فخ لعبة غير عادية، مش مجرد لعبة فيديو، بل لعبة بينتقل فيها إلى واقع مفزع ومرعب مليء بجميع انواع الجرائم زي القتل، الخطف، اغتصاب .

التجربة دي بجد كانت مميتة، وبطل الرواية لازم يتخذ قرارات صعبة، وقد تواجهه ثلاث نهايات مختلفة، وكل نهاية مؤثرة بطريقتها.

------------------

✅ الايجابيات :

1- حبكة مشوقة ومتكاملة: الرواية بتنقلك بسرعة من واقع “ناقد ألعاب” إلى عوالم مرعبة، والغموض بيكبر مع كل صفحة. الأسئلة اللي بيثيرها الكاتب حولين الموت، الحرية، القرار والمصير بتخلي القارئ مشدود ومتفاعل.

٢- أسلوب سرد سلس ومناسب لمحبي التشويق: الغلاف والوصف الخارجي يوصلوا فكرة “لعبة تتحول إلى كابوس”، والأسلوب اللي كيرلس اختاره فعلا بيخلي القارئ يحس إنه هو نفسه داخل اللعبة بل هو اللاعب نفسه!! .

٣- تنوع في الأحداث وفكرة حروف الأبجدية ان كل حرف بيحمل قصة أفزع من إلى قبلها، كل ده بيخلي الرواية مش بس إثارة، لكنها كمان تجربة نفسية قوية.

٤- النهايات متعددة وعنصر المفاجأة ف الاخر ده له قصة لوحده: وجود أكثر من نهاية بيدي القارئ شعور بالمسؤولية تجاه قرارات البطــل وده خلق توتر غير طبيعي جوايا تحديدا مع اقتراب النهاية واستعداد مفاجئ لما النهاية تكشف.

٥-من أقوى إيجابيات الرواية بالنسبالى إنها صعدت التوتر بشكل تدريجي وذكي. كل فصل بيرفع مستوى الرهبة أكتر من اللي قبله، من غير ما يقع في فخ المبالغة أو الحشو، وده بيخلي القارئ طول الوقت حاسس إنه قرب يكتشف حاجة كبيرة الإحساس ده بالتصعيد المستمر بيخلي القراءة عايز يكملها والرواية صعب تتساب من وجهة نظري إلا وإنت مخلصها .

السؤال بقي اللهم هل أنصح الرواية؟؟

اه أنصحها بقوة، خصوصا لو بتحب القصص اللي تمزج بين الغموض، الرعب وجرائم حقيقي عنيفه جدا وتتفاجئك بنهايات متعددة

تفاجئك بنهايات متعددة وانت إلى تبقي مسؤل عن اختيارك .

تقييمي✨ : 5/5