أحداث رواية الغرفة 207 بتدور حول غرفة غامضة في فندق، كل شخص بيدخلها بيخرج بتجربة مرعبة مختلفة، والغرفة نفسها بتحمل لعنة.

وهنا يجي السؤال الأهم هل الرواية اقوي من المسلسل؟؟؟

الإجابة من وجهة نظري الشخصية لا ( ✖️)

----------------------------------------------

دكتور أحمد خالد توفيق بيعتمد هنا على أسلوب الحكايات المتصلة المنفصلة، كل فصل تجربة جديدة داخل نفس الغرفة، وده في البداية بيخلق فضول كبير وبيخليك مكمل القراءة عشان تفهم إيه سر المكان وإيه الرابط بين كل القصص.

الإيجابيات ✅:

١-بعض المشاهد كانت مقلقة فعلًا وتحطك في حاله من التوتر والقلق

٢-فكرة الغرفة نفسها حلوة وقابلة لتوليد قصص مختلفة

٣- كالعادة كان أسلوب دكتور أحمد خالد توفيق سلس وممتع ، اللي بيخليك تقرأ من غير مجهود.

----------—-----------------------------------

السلبيات❌:

١- في تفاوت واضح في مستوى القصص في فصول قوية جدا، وفصول تانية تحسها عادية أو مطولة بدون داعي ودي حاجة أزعجتني .

٢-غياب الحبكة العامة المتماسكة، مفيش تصاعد قوي أو نهاية صادمة.

الغرفة 207 تجربة تجربة لذيذه لمحبي الرعب النفسي ، لكنها مش من أقوى أعمال دكتور أحمد خالد توفيق. الرواية للأسف الشديد كانت بتفتقد ل حته الضربة القاضية اللي تفضل مأثره معايا لفترة طويلة بعد النهاية.

----------------------------------------------

التقييم ✨:

3/5⭐⭐⭐