نيران توبقال

الكاتب: فيصل الانصاري

الرواية ممكن تتصنف فانتازيا فكرتها الرئيسة عن الصراع الأبدي بين الخير والشر

من مميزاتها أنها شيقة جدا أحداثها متسارعة لدرجة أني

خلصت ٣ فصول في يوم واحد من أصل ٥ فصول

ولكن للأسف اتلخبطت شويه في الشخصيات لأن كان في دخلات مفاجئة وتغيير مفاجئ للشخصيات من وجهة نظري كانت محتاجه تمهيد أكثر شويه كمان

ثاني ميزة هي اللغة الفصحى المتميزة واللي زودت الممتعة

ولكن أنا شخصيا جيت في النص وزهقت عشان في بابين كاملين عبارة عن وصف بس (معمار- ساحة المسجد- الضريح وغيره من أماكن) وده خلاني قعدت أجمع صور للأماكن اللي تم ذكرها وللأمانة الكاتب وصف الأماكن بمنتهى الدقة لدرجة

الملل في حوالي ٢٦ صفحة متواصلة

ولكن احقاقا للحق لما قعدت اتفرج عالصور اللي نزلتها للأماكن من النت استشعرت صعوبة التعبير عن الأماكن لكثرة التفاصيل فعلا على أرض الواقع ولكن المشكلة أن الوصف ده جه مع الذروة في الأحداث مما ترتب عليه انفصالي عن الحدث الرئيسي اللي عند استئنافه لقيتني بحاول استرجع الأحداث

ده لا يعيب الكاتب ولكني شخصيا مش بحب الوصف الكثير (ذائقة شخصية)

اتفاجئت بالتغيير في الاحداث بعد كده ولكن النهاية معجبتنيش الصراحة

لكن كمجمل استمتعت باللغة جدا وفلسفة الكاتب وتعبيراته وأقدر أقيمها ب 4

#أبجد

#نيران_توبقال

#فيصل_الأنصاري

#مسابقة_نيران_توبقال_على_أبجد