مع اني قرأت كل كتاب العراب د. احمد خالد توفيق اول مرة اسمع القصة دى قصة من النوع اللي تبدأها فضول وتخلصها وأنت مش مرتاح العراب هنا ما لعبش على الرعب التقليدي، لكنه لعب على خوف أعمق الخوف من إن العلم يفتح باب ما كانش المفروض يتفتح

مصطفى

عالِم عبقري بس هوسه بالاكتشاف أخده لمكان غلط

كان فاكر إنه بيكلم كائنات من كوكب بعيد لحد ما اكتشف إنه وصل لعالم تاني أقرب وأخطر

موته كان كفاية يثبت إنه شاف شيء ما يتوصفش

عماد

إحنا شايفين القصة من خلاله

شخص عادي جدا اتسحب جوه الدوامة من غير ما يقصد مش بطل ومش مستعد لكن الشر لما بيلمس حد بيكمل

الرعب هنا مختلف مش دم ولا وحوش هو رعب التفاصيل الصغيرة

مية غريبة من الحنفية

باب يتقفل لوحده

شاي مياته ما تسخنش

معمل يتحول لنقطة عبور

هو النوع اللي يخليك تبص حواليك بعد ما تخلص.

مش كل مجهول يستاهل نعرفه

العلماء فاكرين بيبعثوا إشارة للفضاء والرد جه من مكان مش محسوب

النهاية منطقية ومؤلمة عماد فهم إن الهروب مش اختيار فاختار النهاية اللي شايفها خلاص

بسيطة ومخيفة بدون ما تستعرض

بتخلي اليوميات العادية مصدر قلق

فيها صداقة ووجع وفكرة

والختام بيسيب علامة

#مسابقة_أبجد

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب