بتبدأ حكايتنا باسترجاع أسباب ليه أميرة وشادي مش بيروحوا بيت حماتهم اللي سيرتها بترتبط ارتباط وثيق بالسحر والأعمال، بس بيجي يوم والست بتتوفى فبيقرروا يروحوا، وبتبدأ تحصل معاهم حاجات غريبة داخل البيت... عايزين تعرفوها؟ اسمعوا العمل على أبجد هو حوالي ١٣ دقيقة بس!

هتكلم عن العمل الصوتي وفنياته:

-الراوية ممتازة ونبرتها فعلًا هتساعدك تدخل المود بسرعة، وهي نجحت فيه لأن العمل يادوبك ١٣ دقيقة وأنا من أول تسجيل في العمل خفت🫣😂

وكمان استخدام العامية كان حلو أوي في العمل القصير دة، هيحسسك بالناس بتوع الريلزات اللي بيشتغلوا على عامل التشويق والإثارة جدا.

-الخلفية الموسيقية الأساسية حسيتها مش مناسبة مع جو الرعب أوي، يعني حسيتها موسيقى هادية لم تبث الرعب فيّ بالمعنى الحرفي😁، بس كان فيه أصوات في الخلفية غير الموسيقى الأساسية كانت بتعطي جو مميز ومرعب للعمل.

العمل الأول صوتي🫣✨

حاجة في اللذيذ منه بتخلص في البريك✨

وهو رعب مش الكبار ولا حاجة😂

#حصاد_العام

#أبجد

#فنجان_قهوة_وكتاب

#مسابقة_حصاد_العام_مع_أبجد_وجروب_فنجان_قهوة_وكتاب