حلم درويش طول حبتين

كبر معاه من طفولته

لحد ما بقى افندى مش كبير

ما راحش عن باله ولا غاب

لف كتير وتعب فى حياته صحيح

بس من صغره عنده هواية

التنكر والتمثيل

ومع صديقه حلمى عملوا أعمال كتير

صحيح ما تعرضتش فى سينما ولا تلفزيون

لكن اتعرضت فى مسرح 🎭 حياتهم هما الاتنين

وعرفوا يشتغلوا ناس كتير 😉 حلمى ودرويش طلعوا موهوبين امال ايه 😉 بس ماتقولش نصابين 🤫

وعدت الأيام وكبر درويش وبقى عنده عيلة والتزامات

ومن بائع أحذية 👞 فى محل شيكوريل

لموظف فى الحسابات

نسى حلمه ولا ايه

الحلم ما بيتنسيش

ولما زادت عليه معايرة فاطمة زوجته له

وكمان موضوع حريق 🔥 شيكوريل

ملقاش قدامه غير إنه يتمسك بحلمه من أول وجديد

ويسعى للوصول لأم كلثوم

هو أنا ماقولتلكوش

أصل درويش كاتب ✍️ أغنية للست

نفسه تغنى فى يوم أغنية 🎶 من كلماته

وساعتها اسمه يتشهر ويسمع فى المجالس

ويخلص من الفقر

وثريا بنته يبقى كلها فخر

تتباهي بأبوها قدام أهل العريس

ويقولوا وداعا بقى لأحذية ودفاتر شيكوريل

ياترى بمساعدة صديق الطفولة حلمى هيعرف درويش يحقق حلمه بالحيلة والمكر ولا هيلتزم بكونه أب 🤔

رواية فكرتها لطيفة حبيتها وحبيت أجواءها قاريتها كمشاهد 🎬 تحس أنك بتتفرج على فيلم أبيض وأسود عيشتنى فى جو الخمسينيات بشكل لطيف ودمه خفيف بالرغم من أن قصة درويش تبدو درامية لكن هو كان عامل بصمة فى الرواية كأنه الضاحك الباكي .. أو كما يقول ويجز " حبيبى أنا بضحك على خيبتى 🤷‍♀️"

تانى عمل اقرأه للكاتب وشايفة أن كل مرة بيفاجئنى بدماغه 😊 براڤو 👏🏻👏🏻

#مكتبة_دنيا

#قراءات_٢٠٢٥