انا جايه بريفيو باللغة العامية وده لأول مره 😁
خليني أقول ان الرواية مختلفة على جميع الأصعده
الرواية بتتكلم عن ابن من صغره بيتعالج من الصرع والدته مرتباله حياته بالورقة والقلم لدرجة خنقتني انا شخصياً 😁
لحد ما بيصحى في يوم يلاقي جثة في الصالة .... بيحاول يستوعب جثة مين ... بتطلع مامته 🤐
وهو متغرق دم ومش فاكر اي حاجه ... عشان نبدأ رحلة الفلاش باك في حياته من وهو صغير تسع سنوات لحد اللحظه ...
رحلة حياته صعبه ومليانه مفاجآت كتيييرة صادمة
وكل شويه تكتشف حاجه تخليك شويه متعاطف وشويه متعصب ...
الرواية عن التربيه ، المرض ، الطموح ، اليأس عن كل حاجه وعكسها ...
جريمه قتل مختلفه واحداثها مش متوقعة ..
عيبها بقى 🫠
في ملل رهيب فالنص فأولها كانت بتجري وبقلب الصفحات بسرعه جداً لحد ما الرتم هدي وبقى ممل وبقيت بكمل عشان اشوف رايحين فين ؟ هنوصل لإيه ؟
لحد ما زادت ورجع التشويق تاني قرب الآخر
دا غير النهاية الصادمة اللي مش مرضية خالص بالنسبالي ومستفزاني 😁 ولو كان دا الطبيعي لعالم الجريمة ...
بالنسبه للترجمه ⭐️⭐️⭐️⭐️⭐️
الترجمه رهيبه وخلتني اندمج وانفعل كأني بقرأها باللغة الأم ❤️
وبس كده
تقييمي : ⭐️⭐️⭐️