#نولد_من_جديد

#مسابقات_روايات_مصرية

#فنجان_قهوة_وكتاب

مش دايمًا الأعمال اللي فيها رسومات للأطفال بس أنا بحبها برضو وأنا ثانوية عامة عادي😅

العمل صغير في عدد الصفحات اه، بس يمكن وصلتني منه أكتر من رسالة، هي ممكن المحور بتاع العمل هو الصداقة، لاحظت الرسالة دي فعلًا وكام حاجة تاني ويارب ما اكون بأوفر في رؤيتي.

-زي فكرة أن البلدان تبقى تعاملها ودود وفيه محبة ممكن التواصل اللي بين البلدين دة يخدم بلد من الاتنين لما تبقى في وقت شدة.

-مش عارفة دي حاجة مقصودة في الرواية ولا لأ بس اللي هيلاحظ إن حتشبسوت في الرواية بشرتها أفتح بكتير من مورا ودة ممكن يوصل للأطفال أن عادي نتعامل مع المختلف في لون البشرة وكمان نصادقه ونحبه عادي ونقبله.

-الحوار الصغير اللي دار ما بين البنت مع أبوها مرة ومامتها، الموقفين حلوين من ناحية التواصل ما بين الأب وابنه وضرورة وجوده، وكمان تأثير الكلام ع الابن، لما الملك قال لحتشبسوت وهي نفذته وعملها اللي هي عايزاه وفرحت، وهكذا حوارها مع مامتها لما كلمتها عن الصداقة ومورا: ❞ أحيانًا أشعر بأنني أفتقد مورا كثيرًا. كانت صديقتي وأختي.

‫ -الصداقة الحقيقية يا ابنتي هي تلك التي تبقى في قلوبنا مهما بَعُدت المسافات. أنتِ ومورا ستكونان دائمًا مرتبطتين برباط قوي. ❝

عمل صغير بس حلو فعلًا🤍

هحكي القصة لأحبابي أحباب الله لما يشرفوا بيت تيتا😂🤍

قيمته 5/5