كم مرة عملت دايت وفشلت ؟
وكم مرة نزلت في الوزن وفرحت بالانجاز ورجعت زدت تاني ...؟
كم مرة حاولت ونجحت وفشلت ورجعلك إحساس الإحباط ؟
طيب كم مرة حلمت بالجسم المثالي والصحي ...؟
كتاب السمبتيك للدكتورة ندى الصيرفي يعتبر دليل مفصل يرافقك في الرحلة يرشدك ويدعمك .. يمشي معاك بخطوات عملية وبسيطة .
تبدأ معها رحلة الوصول إلى الرشاقة بسهولة وهدوء، اعتمدت الدكتورة لغة مباشرة ومشجعة، ومحتوى منظم كخطوات للمتابعة، بسبب عمق تخصصها، وده بيساعدك في تطبيق الأفكار بصورة تدريجية، بقلم قيم ومحترم وبلغة مليئة بالتشجيع دون هجوم وده له أثر كبير في الصحة النفسية، مع الخبرة العلمية والمهنية في مجال التغذية بتقدملك كتاب بمثابة صديق يرافقك يحكيلك عن مقاومة الأنسولين والجوع العاطفي، نصائح لكبار السن، للأمهات، للحوامل ....
كل هذا وفق نهج عملي وسلس، و خطوات واضحة وموجهة للمساعدة .
🌷- مهم جدا لكبار السن شرب الميه وترطيب جسمهم؛ لأنهم أكثر عرضة للجفاف، ولأنهم نادرًا لما يحسوا بالعطش؛ وبالتالي لازم نشجعهم على شرب الميه بدون انتظار الشعور بالعطش علشان نحافظ على الكليتين وعلى الوظائف الحيوية الأخرى الموجودة في الجسم.
🌷لو عندك "يوريك أسيد" عالي وقف أكل "بروتين":
- هل تعلم - عزيزي - إن الإصابة بـ"النقرس" ممكن تكون بسبب أكلك لأكلات مصنعة مش بس بسبب أكل اللحوم ؟!
زي ما قلت لك قبل كده معظم الأمراض اللي بنعاني منها في الزمن ده بسبب تدخل الإنسان بشكل كبير في صنع الله؛ الأكلات المقلية في الزيوت والمحفوظة، والوجبات المليانة بالدهون زي الهوت دوج، والبرجر، واللانشون، والبطاطس المحمرة، والبيتزا).
- كمان قلة الحركة ممكن تسبب مرض النقرس.
🌷 علشان تبقى فاهم جسمك بشكل أكبر .. خليك عارف إن: جسمك فيه هرمونين متحكمين في شهيتك "هرمون الليبتين": وده حبيبنا لأنه بينظم عندك إحساس الشبع.
"هرمون" "الجريلين" وده الهرمون اللي بينظم في جسمك إحساس الجوع.
"الهرمونان" بيشتغلوا عكس بعض. إحنا بنشتغل على تظبيط هرمون الليبتين" في الجسم؛ لأن تحفيز "هرمون الليبتين" هيساعد على إنقاص وزنك وزيادة معدل الحرق ده غير إنك هتقدر تسيطر على حجم الوجبة اللي بتاكلها .
#السمبتيك
#د.ندى_الصيرفي
#دار_ليان_للنشر_والتوزيع
#كتب_أحببتها