"أنا فيرينا، الفتاة التي نسيت أن تحيا لأنها لا تجد لها وطنا تحيا فيه إلا قلوب من حولها"

رواية مستوحاة من السيرة الذاتية لفيرينا، البنت المصرية (الكيميتية) المسيحية اللي عاشت في مصر القديمة في زمن الاضطهاد المسيحي..

بتاخدنا فيرينا برسايلها الجميلة و المؤثرة في رحلة روحانية وتاريخية إلى أوروبا حيث عاشت رمز للعفة ومساعدة الغير والرحمة..

الرواية مش بس أحداث تاريخية، لكنها بوح وتأملات بتخلي صوت فيرينا حي وقريب من القارئ و بتنقله رسايل جميلة عن ايمانها اللي قدرت تحول بيه أصعب المحن لمنح و عطايا ..

حبيت اسلوب الكاتبة ❤️❤️ بتكتب بشكل يخليك تحس إن فيرينا بنفسها بتحكيلك حكايتها اللي جمعت بين الإيمان العميق و العمل الإنساني..

و قدرت بكلماتها و السرد الممتع السلس انها تنقل الأحداث التاريخية ببساطة لكن في نفس الوقت تحسسك بعمق الفكرة و تسيب جواك أثر بعد ما تخلص القراءة..