#مسابقات_مكتبة_وهبان

#مسابقة_ريفيوهات_إيراث

اسم الرواية / إيراث – رحم الطين -

اسم الكاتب / أدهم العبودي -

عدد الصفحات / ٤٢٢ صفحة -

دار النشر / سما للنشر والتوزيع -

- اول مرة أقرأ رواية احس كانها أسطورة تاريخية معمولة بإتقان ، الراويه لها فكر جديد وطابع مختلف عن أي عمل قرأته قبل كده ، فكره انك تجيب مسلمات معروفه ومفيهاش خلاف وتقلبها كلها بجرة قلم دا فن جرئ جداً ، انت بتشوف بداية الخلق بوجهه نظر مختلفه أسطورية ، حفرة طين مصنع للرجال بداية خلقهم منها ، مجتمع ذكوري وبس ذكور مش مكتملين لحد ما جه إيراث وكان الكمال والقوة والسيطرة .

- لحد هنا بتلاقي نفسك بتقول عايشين ازاي من غير انثى ،لحد ما الحفرة بتخلق أولا الأنثى الأولى الفريده الدهشه والجمال والذكاء ، وهنا الرواية بتاخد بعد نسوي قوي ، ازاي هي قدرت تغير وتوجد مجتمع مختلف ، بيتعلم ويقرا ويرسم ويتكاثر ويعمر .

- إيراث وأولا بيجلبوا للحياة سبعة أولاد ذكور كآلهه كل واحد فيهم مميز بقدرات خارقه ، رحلتهم مليانه صراع بين الخير والشر وكائنات أسطورية وعالم غريب ، بتعيش معاهم كأنك بتتفرج على فيلم خيالي أسطوري .

-الرواية صعوبتها بالنسبالي كانت فاللغة حسيتها عاوزه تركيز جامد وكان في كلمات تقيله ، بيتهيألي الكاتب قاصد يخلي النص تقيل كأنك بتقرأ كتاب مقدس خاص بيهم بنصوص شبه الآيات المقدسة كانه قاصد يعمل عالم موازي له لأبطاله بقوانينهم وحياتهم وتاريخهم اللي بيكتبوه بإيديهم ، في وصف شديد جداً وتفاصيل خاصه دقيقه للبالغين ، مناسبه للفكره كبدايه تكوين من الصفر كانك بتتعلم معاهم أ ب ..

- الرواية تقرأ على مهل وتكتب كمان وراها الأشخاص والترابط عشان تندمج اكتر معاها ، وفكره جريئة مختلفه لو حد بيحب الأساطير الميثولوجيه والتفكير بره الصندوق والمسلمات .

- تجربة جديدة مندمتش اني قرأتها .