"يهود الظاهر بين اليهود الماضي والحاضر "

في كتابها الجديد" "يهود الظاهر" الصادر عن الدار المصريه اللبنانيه في معرض الكتاب 2025 بتاخدنا الكاتبه سهير عبد الحميد الى رحله عبر دروب المحروسه، دد والرحله المره دي عن اليهود وتحديدا يهود حي الظاهر

في البدايه بتاخدنا الكاتبه في رحله تاريخيه لنشأة حي الظاهر اللي اسسه الظاهر بيبرس بعد موقعة عين جالوت ومق ت ل سيف الدين قطز، اللي اتفاجئ اهل المحروسه انه بدل ما يدخل عليهم منتصر كان اللي جاي على راس الجيش السلطان الجديد بيبرس

بنشوف على مدار اول ثلاث فصول نشأة الحي بدايه من بناء المسجد ومراحل تحول المسجد من مسجد لشويه بقى مخزن شويه خرابه شويه بقى حاجه ثانيه لحد ما تم تعميره وبدايه التوسع العمراني ونشأة الحي الفعلية

بعد كده وعلى مدار الفصول المتتاليه بنشوف مع الكاتبه تطور الحي وليه اليهود اصلا استوطنوا فيه واشهر الاكلات اللي كانوا بيعملوها وكمان العادات الاجتماعيه خاصه ليله السبت، طقوس اليهود في الليله دي وازاي كانوا بيتعاملوا مع جيرانهم المسلمين حتى المسيحيين وكمان اشهر الاساطير اللي كانت متداوله او حتى شائعات اللي كان ابسطها ان لازم العجين يبقى فيه د م مسلم ودة كان سبب ان أهالي الاطفال المسلمين بيخافوا جدا على عيالهم خاصه ليله السبت زي ما قال الاديب الكبير عبد الحميد جوده السحار اللي كان من سكان الحي ويتكلم عنه في كتابه هذه حياتي

بعد كده بنتكلم عن طائفه القرائيين اللي هي كانت اقل عدد من طائفه اليهود الربانيين زي ما عرفنا قبل كده في كتابها السابق ناحوم افندي، وبتتكلم هنا عن العدد كان قليل واشهر او اهم الفروقات بين القرائيين والربانيين وكل

طائفه كانت بتتميز ب ايه

بنشوف كمان اهم وسائل الترابط بين الاسر اليهوديه وفكره التكامل الاجتماعي واهتمامهم ببعض لدرجه ان كان عندهم ناس بتطلع الفقراء المصايف ،كمان فكره جواز البنات لان عندهم نظام الدوطة اللي هو العريس هو اللي بياخد مهر من من العروسه وده كان بيسبب ازمات ماليه كبيره جدا كمان معدل الجواز نفسه كان قليل... الحته دي الصراحه عجبتني جدا فكره ان هم مهتمين حتى برفاهيه الفقراء كانت جميله، كمان اشهر الجمعيات الخيريه وكل جمعيه كانت بتعمل ايه زي جمعية قطره اللبن اللي كانت مهتمه بتوفير اللبن للاطفال

بعد كده في الفصل الثامن تحديدا بدات الكاتبه تتكلم عن اشهر العائلات القرائيه زي مسعوده واللي يحتكروا راس الطائفه الاكثر انتشارا في الظاهر واسره السرجاني كمان هنا بتتكلم عن كل اسره كانت بتميز بايه بالظبط و مدى تاثيرها على المجتمع اليهودي والتبرعات والجمعيات اللي انشأوها

كمان هنا بنعرف عن اشهر الشخصيات في كل عيله وتاثيرها على المجتمع المصري وعلاقتها بالملك والاسره الحاكمه وبعد كده علاقتهم باعضاء الجمهوريه الجديده والرؤساء من اول زياره محمد نجيب لمعبد عدلي وبعد كده

علاقه جمال عبد الناصر كمان بالمجتمع اليهودي لحد ما بدا خروج اليهود من مصر، واصلا الفتره دي كمان اتاخدت في الكتاب بشكل كويس قوي و مركز ولكن بنظام كبير جدا

كمان الكاتبه اهتمت بذكر الصحف اليهوديه اللي كانت بتتكلم بلسان اليهود اللي اولهم كانت مجله الكليم وكل واحده فيهم تاسست امتى وفضلت لحد قد ايه

وبعد كده بنتكلم عن معابد الظاهر والعادات المصريه وازاي تأثر اليهود بالمجتمع المصري لدرجه ان كان فيهم ناس بتكتب ايات قرانيه على المقابر بتاعتهم

بعد كده وفي اخر فصول الفرق بين الماسونيه واليهوديه ازاي بدات فكرة الماسونيه والصندوق الازرق اللي كان موجود في كل بيت يهودي وده كان بيجمع تبرعات عشان نشر اليهوديه وهجره اليهود من كل بقاع الارض لفلسطين واللي كان للاسف في جزء منه بمباركه وتغاضي الحكومه المصريه وتغافل كمان عن اللي كان بيحصل وده عرفناه اكثر في كتاب ناحوم افندي كان

اخر فصل بيتكلم عن لوحه فسيفساء و ازاي الحي لحد دلوقتي في اسامي شوارع من اول العصر الاسلامي بعد كدة مسيحيه

ويهوديه ...الفصل ده تحديدا دسم ومركز جدا ومحتاج قراءة أكثر من مرة

الفكره دايما في كتابه استاذة سهير انها بتحط لك كل الاراء

قدامك على الطاوله من غير تحيز من غير ما تفرض عليك رأي

هي هنا اتكلمت عن اليهود بشكل كامل في فصل بتتكلم فهنا في ناس انا انا اتعاطفت معاهم جدا وفي ناس هم اصلا ما كانوش حابين مصر ما فرقوش معايا

الكتاب مكتوب بطريقه سلسه جدا... تقسيم الفصول عجبني قوي الفصل بادئ بعنوان جذاب بعد كده زي ملخص سريع بعد كده طريقه الكلام وطريقه الربط بين العائلات وفي عائلات تم تتبعها بشكل يعني حلو قوي...المعلومة مكتوبه صح البحث كمان والمراجع واضح ان في مجهود كبير من كميه المراجع اللي اتقالت في اخر الكتاب ...الصور كمان حلوه قوي كمان زود جمال التجربه بصراحه ان قراته على ابجد فهي في الاخر التجربه حلوه جدا

الكتاب رغم بساطة كتابته دسم، ظي ميزه كتاب الشهر في مكتبه وهبان ان احنا بنقرا الكتاب على فتره على مدار شهر فبناخد الموضوع على مهلنا بدون استعجال

في النهايه بشكر استاذه سهير على كتاب حيادي جدا اه انا وقلبي وجعني بشكل شخصي ولكن الكتاب حيادي

واخيرا

تعيش الكتابة الحلوة... والاقلام المبدعة

#رفقاء٢٠٢٥

#قراءات_حرة

#قراءات_يوليو

١/٢٣