رواية مرهقة نفسيا جدا الحقيقة مليانة كآبة و سوداوية.
عن بنت اتولدت لقت أب مش موجود و أم لعوب كل يوم في جوازة جديدة سابتها لجدتها تربيها و خالها بدل ما يكون أب ليها كان متحرش و مغتصب قضى على براءتها
البنت سلبية جدا محكتش متكلمتش من الخوف أو يمكن عشان محدش هيصدق انتهزت عملها كممرضة و كانت بتطلع رغبتها في السيطرة بإنها تنهي حياة المرضى اللي مفيش أمل في نجاتهم من وجهة نظرها
قتلت أمها و بعدين سافرت لأبوها و قتلته بعد ما مرض و دخل المستشفى
الرواية بتتناول جانب الحياة في اليابان و السجون في اليابان و ده يعتبر جزء جديد مقرتش عنه قبل كده
الرواية بتدور بين الحقيقة و الخيال في هلاوس البطلة
بالنسبالي رواية سوداوية و كئيبة لأكبر حد.
اقتباس ♥️
❞ أتعجب من قدرة الإنسان على التكيف، ككائن هلامي كلما وضعوه في إناء أصغر، اقتطع جزءًا من جسده، وألقى به بعيدًا ليعيش، دون أن يبكي على أجزائه الكثيرة المقطوعة، يتحسس المكان الجديد الضيق بشغف أنه لا يزال حيًّا. والأهم أنه لا يزال قادرًا على العيش. ❝