مع إنه الرواية طويلة كتير وأحداثها مليانة وفكرتها غريبة شويّ وأنا بصراحة مش من محبين رعب الفانتازيا
بس الحق ينقال هاي الرواية من أفضل ما قريت خلال هالفترة
السرد والحوار فيها إشي تاني خالص بتحس حالك بتشوف نفسية كل شخصية قدامك بوضوح والوصف للأحداث والأماكن كأني بتفرج على فيلم، كل تفصيلة مرسومة قدام عيني
كمية الأفكار والمواضيع اللي طرحها الكاتب مش قليلة أبداً، بدها قعدة لحالها عشان الواحد يفكر فيها ويهضمها
أنا خلصتها من أسبوع تقريباً بس لسا أحداثها بتلف براسي لهلأ ومش راضية تطلع
عنجد رواية قوية ودسمة من ناحية المضمون ومع هيك مصطلحاتها بسيطة وسردها قريب للقلب تجربة قراءة ما بتنتسى