من البداية كنت عاوزة اعرف علاقة رضا بباقى احداث الرواية لحد ما وصلت لتلت الرواية تقريبا واختفت مشاهد رضا بس فضل الشك جوايا من ناحيتها
بعترف انى كنت مستمتعه طوال احداث الرواية بالرغم من تخمينى للقاتل وطبعا مش عاوزة اتكلم عن تفاصيل عشان محرقش الرواية
بس فعلا الحبكة كانت افضل بالمقارنه مع الرواية السابق قرأتها ( جثتان والثالثه عند قدمى )
عندى ملاحظتين بس اتمنى تتقبليهم بصدر رحب
اولا مشاهد رضا كان ممكن تكون متوزعه على مدار الرواية كلها لانى حسيت بعد ما خلصت تلت الرواية ان الرواية اتقسمت اتنين ومافيش اى علاقة بينهم
ثانيا لحد اكتر من ١٠٠ صفحه وانا حاسه انى بقرأ رواية اجتماعى تخلو تماما من تشويق أدب الجريمة
بس على المستوى العام الرواية جميلة وافضل من سابقيها من وجهة نظرى المتواضعه
تسلم إيديكى حبيبتى 🌷
مراجعة بقلم
ولاء القوصى